July 10 – Janggardan Batte Anabanjengan!

“Iten asan gam1enden dajing mandranji Kitungan a Janggardan batte’ anabanjengan deteji, aninji Kitungan a onggeronanji na” (Romi 8:14).

Angante Kitungan Jisu mandran hildamlen ordarban yiraiten, Anin bangsa anoblingan oblingle banagimaranji Anin a rznrzn darakunaba yire do Ruang rajaman abmele hanangan tiyle.

Anin bungsangban yirre do bangsa anoblingan oblingle. Anin dile gorjangban yiranyirre Kitungan a Rajaman abmele gadlamle. Atiki ruanganba dayerre, a hanangna maranji bangsa anobling oblingleji, barij tiydamna batte Do banaginji amangba oblinle.

Bo dinna Kitungan a boantan, bo bigarda disan lingan a baran tabkudle, ayarnaben abmele yagi endasingan hamben dakule. “Kitung, aparamangtan aendasing, hen garberben dete asumaranji abmele. Anab-bagu endasingan-lingan, Marid Janggardan abmele oblingben dete do angaante hen ontungtai, hen dimadnaben dete anab-yagi endasing-lingan”.

Anab-boi endasing-lingan, aboi talaibabojan dakule boi boi bimbim-lingan, kun tonanan amangban goble. Kitungan a boantan Jisun abmele – Kitungan absamangte, do bangsa anoblingaan abmele gadlamle. Anin garberneten, Kitungan rubmangbaran lumle do kun talaibaboijan samangle kun kanalkalan saring. Anab-bagu endasing-lingan, bo inslobojan amangba goble.

Do anin itente jzjzanjzlen goble. Kun ayamlen Kitungan aboantan gijle kun ate, anin galamle Kitungan agaarberan amdangle. Kun inslobojan batte arberben asan susule, paruan abmele, itente Marid Janggardan gadlamte. Do asui ayamlingan, anin abtagorlen marid janggardaban. Anab-yagi endasin-lingan, amangban butejan adakuad do bangsale dimadle iteja erdelabe.

Do bangsale ardule asinban. Kitungan sanangan rite do royongan tiytaben. Anten asan, barij j’eben batte surpiddamnaba.

Do barij ranaptin batte Kitungan aranaptin sanle. Bibolan gamte, “Bar tanandzn a dinnan apsele Kitungan ayengan a Marid Janggardan batte amben lanadladan a dele” (Episi 4:30). Tanahimdam Kitungan a onagji, angnte amben aogandite Kitungan abaran alumben abmele barij j’eben batte.

Okiy Kinolbe absele: “bernan oblenga, royongan adnang, er royongan adnang umengle bara a. Barij sanayen do hanangan batte tungjengle abdusa-a, kaih-hanghanga, abumenga” (2 Korinti 1:22).