July 08 – GYAN ATMA PORA!

Ephesians 1:17-19 “ki Pormeshwar ami khan Isor Jisu Krista laga, Baba gaurav laga, dibo apuni ke atma  gyan laga aru dikhai diya laga budhi te Teon te, suku khan apuni laga bujia te hobo puhor”.

Epheus thakishe ekta bhal, atmakarik aru alokhik girja. Chela Paul , Apollos  aru dangor naukar khan Isor laga kaam korishe tate. Hoilebi jitya Chela Paul likhishe tai khan ke tai koishe ki tai khan pabo lage atma ke gyan laga aru tai khan laga suku bujia te hobo lage puhor.

Nabi Isaiah laga kitab te, tate koi ken ease choi ta alag anugarn diya laga Pobitro Atma pora. “Atma Isor laga ahram koribo Teon te, Atma gyan laga aru bujia laga, Atma salha aru tagot laga, Atma budhi laga aru bhoi kora Isor ke” (Isaiah 11:2).

Tate ekta uphar ase budhi aru uphar  gyan laga bi. Uphar budhi laga diye ami khan ke sikhibole ekta manu ke; jaga ke, nahoilebi ekta poristhiti te. Hoilebi ami khan narukhibo lage inika budhi logote; hoiebi choalabo lage jitibole atma khan ke Isor karone,a ru bodli koribo lage utu budhi ke ekta ashirbad te. Itu bishi zaroori ase thakibole uphar ke gyan laga, ai khan ke itu koribole nimite. Tate bishi uphar khan ase budhi laga; hoilebi naai uphar gyan laga.

Ekbaar ekta mantra Pormeshwar laga jaishe ekta gaon te mantralay te, tai sikhishe ekta boini laga kotha jun laga pura gaon niyantran te thakishe tai laga drishti dwara. Isor pora dishe utu manu ke budhi ki drishti khan utu suwali laga thakanai Isor pora koikene;aru itu thakishe atma devta khan laga ji pora tai khan kea lag rasta te loi jai.

Jitya utu manu inika janishe, tai aharm pora hi Isor ke salha mangibo lagaishe khedai dibole utu biya atma ke. Hoilbi itu nakori kene tai nirbhar korishe nijor te aru gali korishe utu atma ke manu khan laga majete. Hoilebi biya atma tai uporte shakti thakishe; dhakai dishe tai ke mati te. Itu laga natija, manu khan gaon laga bishi gussa hoishe tai uporte.

Pichete isor pora kotha korishe tai ke aru koishe, “lora, itu hosa ase ki apuni janishe atma ke devta khan laga utu suwali uporte. Hoillebi apuni manganai gyan Ami pora, azad koribole utu manu ke biya atma pora. Judi apuni khali prathana korishe koile utu suwali nimite, alag Isor laga manu khan logote, tini hoile tate azadi pabole thaka utu atma pora”.

Itu kagfi nahoi kaam koribole uphar ke bidhi laga. Uphar gyan laga bi kaam koribo lage ami khan te. Itu karone itu zaroori ase ami khan karone prathana koribole atma kaorne gyan laga. Jun khan komi ase gyan te prathana koribo lage aru pabo lage itu ke Isor pora.

Isor laga bacha khan, apuni ke lage gyan koribo kaam khan ke, judi bi chutu nahoile dangor bi. Mangibi utu gyan ke aru pabi itu ke Isor pora.

Aji dhyan koribole laga pobitro kotha tu hoile 1 Corinthians 2:7 “hoilebi ami khan koi gyan Pormeshwar laga ekta rahasya te, luki thaka gyan juntu Isor pora rakhishe jug khan tea mi khan laga gaurav nimite”.