July 08 – ATHMAR GEN

Ephesivalun 1:17-19 Apaner Prabhu Yesu Christhur Deven Mahimaro Bap, thamena Athmar genenan, kalaler Athma thamema malamvena, vu jhanker daller aankina thamena denukan araj araj karuchu.

Ephesus sabha yek hachas abhishekama badan vethi. Aposthal Paulan Apollo doi Bhakthidhar yee sabhama seva kide. Jethij Aposthal Paul vu jhanker daller aankina thamena denukan araj araj karuchu Kan kerocha. Yeshaya 11:2 vachanema Dev gener Athmana thamarepar vutharacha Kan kacha.

Kalaler akkaler varaman gener vara sada cha. Kalaler akkal kajako yee yek manikyar bagey, jaager bagey malam karleja.  Yee kalaler gen kajako Prabhu yesur vadithi athmavun ku kamavnu Kan malam karler cha.

Yek gamema kalaler Athmar varalethi pavachan kevali yekli Bai vethi jann sey vor Dai jathethe. Vu labbari Kan kevasu Dev ajjeken  vuj gamemathi vatado. Yee vathen samlana jann sey ghano bhande lagey.  Lapan Deva vu sevaken thu karrojako Kam hachaj cha thu Kathi thamanaju mundagaj jo Kan himmath denako. Ajji jada dhyan karen pado 1Corinthivalun 2:7