July 07 – Janggarda Lingan M’oihnaba!

“Iten asan gamlenden Kitungan a rajaman jumjumlen do gagalen ted,. bindo ranoitadan, sanabyun do Marid Janggarda lingan man’oihan maih daku” (Romi 14:17).

Argalan batte butente Kitungan a d’ong saiteji aninji a d’ong ganudingan dete. Anin janang szbdai-berle d’onglen akaridae gamle butente amangba yirtaji. Angante a d’ongan arakadang-lingan amdaileji. Anindaman tiydaamneten, bagu s’in aabdile, barij mandran ajaben asan. Anten asan barij ruangan.

Janggardan do ganudingan dete. Aninji gudinglangtenji Kitungan U’an anabsittan batte (Romi 5:5). erahidan aman’oih ahangben asan. Yang a bangsa kan ate bibolaan agudinglangtenan ate? (Solomon a Kanin 1:2).

Yan a bangsa kan ambrij aparamantan akamb’ol do anabpungge akamb’olan! Aparamangta-lingan, anlen kinoltabe. Adam do Oban abmele Edon kutta-lingan abasulenji ate, do tette pandradan janang danakun dele aganleji adnang. Kan galamtabe aninji abs’idleji Kitungan atanurdun, do Kitungan aganugu Galanti 5:22-23. Bo surda danukkan mandran amang-ling susunan dele. Do banaiberan anappaih gijtabe ‘bayale yirra’ kun ate takudle do maan’oihan batte aganudingan ‘yirai’,

Gamle atanakudan ayam bibol-lingan. Bindo iten daku kan ambrij yaryarmanengban. Kitungle Jisu Kristun ordarban labsolai, Kitungan atanurdun abmainaben asan, itente maandran abs’idle. Anin abawrle tanimyiman agaanuding. Gamle: “E mannangga do lanagin maaranji, kuddub-ben mangba-Hen yeraiba, do Hen ablulunataben”. Angante amben a kinolte barij bibolan (Romi 15:32).

Butente Kitungan amang dakutenji amang-linganji anabsittan anappaihan dete. iten agaramgaman anabsittan Jakub do Esun amang-linganji. Jakub argalan batte saile Kitungan amangba? Anin apardionan abmele do a U’an anaabsittan ahangben.

Bindo Eson adsaijad iteja, “E Kitung, pargardaban karran argalan asan alod’an saijten ambrij, ma Aman abmele pwrarda-hen karran argaldate. Kitungan, Am’eng Kitungan apsele. Pwrarda-hen argaldate; angan hen yerre Kitungan amangban ardutai?”. Atanukud bibolan akambo’l-lingan atanakud a tanuban (Joel 2:23). Kan ataanimyiman batte ganudingan delai janggardan batte. Ajardinna, Papwr Anosaij-lingan abadlohim-maranji, Tabme Anosaij abadlohim-maranji, unji anganabdile janabanji.

Bokurdi-unji amayang-maranji do ateng Kitungan a pissirdianji bo surda janajan batte jataji (Anappai 13:52). Tanahimdam Kitungan a onagji, bogad amben barijloge asailenden j’e-ben batte.

Okiy Kinolbe absele: “Aboi jordan daku, anta d’an Kitungan a gardan do Kuddub Saring Lanangka Kitungan a marid s’ingan abm’oihte” (Sanneken 46:4).