No products in the cart.
July 07 – ATHMAMA ANAND
elimchurchgospelRomavalun 14:17 Dever Rajyam khayero piyero koni,lapan Pavithar Athmama niyathan shanthin ananda cha.
Apan vimochan payejana ghano anand pamelecha. Vothin jada Pavithar Athmar abhishekam pamajana ajji ghano anand palacha. Sari jagena srustikidojako Devaj apaner dallema vassero yee kathra jada naseeb malicha kunika. Yee anandena Devaj apaner vacha vassa jethin,apanethi sahavas karajethin vu hamesha apanen chalavajethi aang badan jamacha.
Deemo Romavalun 5:5 vachanen dekatho, Dever premena Pavithar Athmathi apanerema vundamelicha. Athra dayisi chajako Dever sambhandhathij calvary premen savaad karsakkacha. Solomoner geed 1:2 vachanema Dever preethi angurer rassethin masthu savaad chenika Kan kacha.
Ajjek karan Pavithar Athmar vadithi yee ananden ku apan pamacha katho,vu Athmar phal apaner mayimathi laavajako badlavnithi vacha. Apan Athmar phalema kanna phalachako Jannaj yee Pavithar Athma apanerema Bharpurethi paran javu karacha. Galathivalun 5:22-23 Athmar phal kaikatho- prema,khushi,samadhan, dheerethi khamler, daya,hach gon, viswas, shanthi, Bana haayi yej kan vanchacha. Assena dhwesh karer niyam kaicheni. Romavalun 15:32 Tham Devena dekan karajako arajema, ma bathu paduchu thamsada marsath bathu padanu Kan apaner Prabhu Yesu Christhuthin, Athmar premethi thamena puchluchu Kan Aposthal Paul kerocha.
Apanen prem kidojakonen Rajer gother Yajaker nai kidojako Prabhur krupana kero dhanyatha. Saasij Mar vasu jaanenaj dinojako Mahimaro Deven sthuti karero apanen maalijako gourava. Yee premer Prabhu bagey Bhakthidhar Yovel 2:23 Siyoner jannevo khushithi thamar Dev Yehovama anand pavo. Vor niyathethi agediyar panin devalo cha, paanin dethanu agediyar paninan akharir panin thamen Deval cha.
Yee pani padatho kathra khushi lagachko athraj khushi Dev Pavithar Athmama khushi dethanu anandethi bharnakacha.
AposthalerKam 13:52 chela khushithin Pavithar Athmathi bharage Kan vanchacha.
Ajji jada dhyan karen pado Geder grandh 46:4 Yek Nandi cha, vor rungaliyu Dever sherenan, sethi vunchero vassero pavithar jaageni khushi karavacha.