July 07 – ANONDO ATMA TE!

Romans 14:17 “kile koile rajyo Isor laga nahoi khaa te, hoilebi dharmkta aru shanty aru anondo Pobitro Atma te”.

Mukti te ami khan bhorta hoi anondo pora. Aru Pobitro Atma laga abhishekta, ami khan pai dangor anondo te ami khan laga mon te. Kiman dangor bisheshadhikaar aru anondo ase itu pabole Pormeshwar ke swarg laga thakibole ami khan laga mon te! Ami khan agh barhibo lage anondo te jitya Isor nijor hi cholai loi jai thakibole ami khan majete, kotha kobole  ami khan logote aru amkhan ke rasta dikhabole.

Dusra, morom Pormeshwar laga dhale ami khan laga mon te Pobitro Ata dwara (Romans 5:5). Aru tate dangor milap ase Pormeshwar logote amikhan ke chakhi bole morom ke calvary laga. Ki Teonr morom hidnagor nahoi dagras pora? (Song of Solomon 1:2).

Aru alag karon pabole anondo ke Pobitro Atma dwara, ase kilekoile phal Atma laga, juntu ane ekta bhitoriya bodlav ami khan te. Jitya Pobitro Atma bahe amikhan te, ami khan barhai phal ke Atma laga ami khanbte.a ru itu inika achurit phal ase.a mi khan porhe nauta gun phal Atma laga Galatians 5:22-23: “hoilebi phal Atma laga ase morm, anondo, shanty, bhugibo para, daya, bhal, wafadaar, norom hua, atma niyantran. Khilaf te inika laga tate iku niom nai”.

Jitya ami khan bhorta hoi Pobitro Atma logote,a mi khan shuru ho koribole Pormeshwaar laga mantralay ke khushi pora. Itu dangor avsar nahoi prachar koribole Teon nimite jun ahishe niche swarg pora bachabole amikhan kea mi khan laga paap khan pora? Itu ekta bhal kaam nahoi? Jitya likha homoi te Romans khan ke, chela Paul pora koi: “ki ami ahibo pare apuni te anondo pora icha te Pormeshwar laga,a ru hobo pare taza iki logote” (Romans 15:32).

Itu hosabi ekta dangor avsar ase aru anondo kobole anugrah ke Pormeshwarlaga jun amikhan ke morom korishe; jun ami khan ke abhishek korishe ekta  raja aru pondit khan nishina! Kiman dangor daan ase ki Teon dishe ami khan nimite? Itu hosabi ekta sonman ase aru anondo seva koribole inika mahima janak Pormeshwarke.

Nabi Joel pora parichay korishe inika anondo ke bacha khan ke zion laga. Tai koi, “hobi khushi titya, apuni bacha khan zon laga, aru khushi koribi Isor  te apuni laga Pormeshwar te, kilekoile Teon dishe apuni ke age laga borokhun wafadar hoi kene, aru Teon pora koribo borokhun ke ahibole niche apuni karone – age laga borokhun,a ru piche laga borokhun” (Joel 2:23). Hoi, Teon koribo borokhun ke ahibole niche apuni karone. Jinka borokhun bhorta kore kuha khan ke , borokhun Pobitro Atma laga bhorta koribo apuni laga mon  ke aru giribole dibo. Apuni laga mon bhorta hobo achurit anondo aru khushi pora.

“chela khan bhorta hoishe anondo aru Pobitro Atma logote” (aacts 13:52). Isor laga bacha khan, utu himina tok apuni bhorta hobi Pobitro Atma logote, apuni pabo anondo aru khushi utu iki hisab t.

Aji dhyan koribole laga pobitro kotha tu hoile Psalm 46:4 “tate ekta nadi ase jun laga rasta bonabo apuni nagar ke Pormeshwar laga, pobitro jaga  dhip laga Sobse uncha laga”.