July 05 – ATHMATHI ARAJ KARERO

Ephesivalun 6:18 Herghadi soli tharar arajethin, vinathithi,  Athmama araj karthey, vorvadi ghano kaato dallethi pavithar vaalevas karajako arajema jaagan ro.

Yee akharir dadema mukhyavadi khabar cha vujako heryek viswasi Athmathi araj kareroj. Yee Athmathi araj karer seeklasthoj thu athmik vagi vaddechi. Aradhana karer jagevuman sabhavuma Athmathi araj kanna akarachko jannaj Dever seva jorethi chalacha.

Ma yek hacho seva karrojako sevaken , yek admi karajako moto pap kunasa Kan puchotho, vu sevak araj karajema haarjayeroj Kan ko. Kasen katho yek manikya araj karajema harjavatho kathachenijako papevo vu manikyar mathema aan bharajavacha. Hava araj karatho papen thamadnakacha. Nakaratho mayima chajako pap araj karajena bhar melnakacha.

Aajkalema sasthravethavo massaj cheejevun valak pachana karrecha. Vundema jagema chajako yek admithi ajjek admin bhelen phonevo kanakunlinecha. Vathevun bhandan meller cheejevun,antharikshamar yanthravuthi kbararevuna jhaldin malam karajako cheejevun sada valakmelecha. Athra jada joragi Malak chaljarithoi Yek manikya Devethi vathekaran Anand payero kukan valakre koni.

Jada manikyavun kukan araj karero Kan malam cheni. Voma kenukatho 100 varser aangethi  aacharvagi puja karaju araj karthey aarecha. Ma araj karer Athmathi bharan renu Kajako thelivij cheni. Thodsek manikyaj Yakober nai chodeniju araj kareval cha.

Dr Stanly Jones kajako Christhuvalema sejini moto missionary Kan malam chajako, ‘ Aaj pradhanavagi sabhan chavnujako acham kalar Kam chalero koni pan vu araj karer varaj chavnujako’ Kan ko. Kanna araj karer varamethi bharan rechiko Jana migathar Athmar varal seji sada bhalan tharema racha Kan herdemellenu.

Jesaruj Aposthal Paul Ephesivalun 6:18 Herghadi soli tharar arajethin, vinathithi,  Athmama araj karthey, vorvadi ghano kaato dallethi pavithar vaalevas karajako arajema jaagan ro Kan kerojen dekacha.

Ajji jada dhyan karen pado Luka 5:16 Prabhu vorvuj adabima javu kartho araj karena haval karlido.