July 04 – ATMA PORA SAPHA KORA!

2 Thessalonians 2:13 “bhai khan morom kora laga Isor pora, kilekoile Isor shuru pora chunishe apuni ke mukti karone sapha kora Atma dwara”.

Apuni khan jonom hobo lage Pobitro Atma pora; kobo lage kotha khan Atma pora; loi jabole lage Atma pora; aru hobo lage sapha Atma pora. Apuni jun bisare thakibole ekta pobitro jibon ke, hobo lage sapha aru barhibo lage Pobitrota pora pobitrota te hodai din karone. Apuni sapha koribo lage nijor ke aru jabo lage aghe rasta te pobitrota laga ki Isor pora rakhishe apuni karone. Apuni khan nirnatar agh barhbo lage pobitrota te aru mahima te aru hobo lage bodli roop te Isor laga Tai aha homoi te.

Chela Paul koi, “itya hobole dibi Isor shanty laga sapha koribole nijor ke pura;a ru hobole dibi apuni laga pura jibon ke atma, mon aru gau te bachai kene dagi nathaka te aha homoi te ami khan Isor Jisu Krista te” (1 Thessalonians 5:23).

Pobitrota nathakile, kun bi nadikkhibo Isor ke. Pobitrota nathakile, apuni naparibo sabole Iosr ke nahoilebi Tai ek lok koribole naparibo Rpture laga homoi te. Tate tinta saman khan ase ki Isor pora dishe ami khan ke sapha koribole. Poilea Khun Krisat laga. Dusra, Kotha Isor laga.a ru tisra, Pobitro atma. Itu khali itu tinta pora hi ase ki isor ami khan ke sapha kore.

Apuni khan ke hudibo pare ki apuni laga kirdaar ki ase inika spaha te?  Aru itu laga jawab tu sadharan ase. Apuni khan pura dibo lage  nijor ke ekta pobitro jibon te. Apuni khan julibo lage icha pora pobitrota laga, apuni laga amon te. Apuni khan sabo lage nijor ke maujudgi te Isor laga, hatabo lage sob moila khan ke aru sapha koribo lage nijor ke. Apuni khan sapha koribo lage apuni laga atma ke, mon aru gau ke bi pobitrota karone.

chela Paul likhe, “ami bisare apuni ke itu kaorne, daya pora Isor laga, ki apuni thakibole apuni laga gau te ekta jiyai thaka daan nishina, pobitro aru man ate Isor laga” Romans 12:1). Ami khan sapha koribo lage ami khan laga gau  ke  pobitrota karone; kilekoile gau tu ase mondir Pobitro Atma laga. Isor jun thakibole mon jai apuni te.

Isor laga bacha khan, bishi khayal koribi apuni laga gau ke. Apuni khan loi najabi apuni laga gau ke jag ate dagia ru biya laga. Khali nabikabi nijor ke aru apuni laga gau ke pura koribole prithibi laga lobh khan te aru icha khan te ki apuni laga mon aru dimag icha kora khan ke.

Aji dhyan koribole laga pobitro kotha tu hoile 1 Corinthians 6:19 “aru ki apuni najane ki apuni laga gau tu mondir ase Pobitro Atma laga jun apuni te ase, junke apuni paishe isor pora,a ru apuni nijor laga nahoi?” AMEN!