July 03 – ATHMATHI BHALAN BHANDAN RENU

Ephesivalun 2:22 Vormayi tham sada Athmathi Dever vasaaber gharer nai, bhalan bhandaan aarecho.

Christhuvaler jeevano kaikatho  yek rajer kotar nai cha. Yesu Christhuj vu kotaar mular punadhir bhata vencha. Vu bhatapar apan seji yekken yek bhnadarecha.

Ephesivalun 2:19-22 Jethi tham abbepar paraleran paradeshir nai reniju, pavithar janner sath yekkaj shereran Dever gharer ven, Aposthaleran bhaktidarer punadhipar bhandecho, vona Yesu Christhuj mulaar bhata vencha. Vopar sari ghar barobbar jodan, Prabhuma pavithar Devaler  nai bhandan aarocha.Vormayi tham sada Athmathi Dever vasaaber gharer nai, bhalan bhandaan aarecho.

Yee bhandejako gharer yekek bhata apanaj. Yekek bhata hachethi bhaandan jodan yek gharer nai bhandmelecha. Heryek gharer bharo kajako yek mular bhatapar adhar padan racha. Vu gharer sundaratha vo gharen yekjaag sangarmelejako bhatar vadithi dikavacha. Apanen sada Prabhu Yesuma sundarethi bhandan jodavnu Kan Pavithar Athma seva karevalethin viswasivur vadithi madath karrocha.

Viswasi yekloj kaikarer veni, sevakarevalo yekloj sonth vatema chaler veni. Apan seji yekkaj jeevadven chajako Yesu Christhur jeevadama  yekek bhatar nai vu paralokema bhandarecha. Yekkaj bhatathi sari gharen bhander veni.  Yekkaj bhagathi sari jeevada Kan kerayeni. Apan dusar dusaro sabhar viswasiven rathoi yekkaj Pavithar Athmathi yekkaj sabhama bhalan cha. Malak Saari Phelan chajako Dever beptavun Pavithar Athma yekkaj sabhamar viswasi dakal sejini yek karan moto gharema bhelnakacha.

Thar agalbagal chajako viswasivuthi bhalan thu athmik jeevanema vaddesaru havaal karlechika?

Yek gharema pillarla,godavo, kidakivo racha kunika. Yindema kunsithoi ma thothi moto chu Kan kelachka?, keleni kunika. Hannuj thu sada Dever sabhama pillare nai balamelochi katho godan dekan badai karmath. kidakin nai balamelochi katho  Godan dekan badai karmath. Apanema Aposthal,  sevak, hach khabar keval, bodhakevo, ajji pravakthavo rathoi seji yekkaj Prabhu Yesu Christhur sabhana vaddadevasuj Kan herdemellenu.

Ajji jada dhyan karen pado  Hebrivalun 3:6