July 02 – KOBI ATMA PORA!

1 Corinthians  12:2 “kintu tai jun koi basha  te nakoi manu ke hoilebi Isor ke, kilekoile kun bi nabuje; hoilebi, atma te tai koi rahasyamai kotha khan”.

Isor khushi kore jitya Tai laga bacha khan koi anya bhasha te. Anya bhasha te koa, ase koi thaka swarg laga bhasha te; aru bishi baar, itu alag hobo pare bhasha te itu prithibi laga, kobolle Isor ke.

Pobitro kotha te koi, ki tai jun koi bhasha te koi rahasyamai kotha atma te, Isor ke.

Kotha koi thaka ekta shishu bacha laga nabuja hobo pare dusra manu khan ke; hoilebi tai laga ama baba bhal pora buje. Itu nishina, jitya ami khan koi bhasha te, satan bujibo napare itu ke. Hoilebi itu ase bishi kimti aru sapha Isor karone.

Itu pora anibo dangor atmakarik anondo ami khan te kobole anya bhasha te bishi deri tok; aru prathana koribole anya bhsaha te. Itu pora anibo maujudgi Isor laga; santusht koribo ami khan laga atma ke;a ru khushi ami khan laga monk e.

Ami khan thik bi hoi jai jitya ami khan koi atma porfa. Chela Paul pora koi: kunbi jun koi anya bhasha te thik kore nijor ke.

Jitya apuni koi anya bhasha te chuni loi kene Pobitro Atma pora, apuni thik hoi aru apuni laga bhitor laga manu uthi jai. Apuni bhorta hoi swarg laga morom logote;a ru apuni  bhorta  hboi morom pora Isor laga. Tate ekta dangor ahram ase apuni laga atma te.a ru uphar khan atma laga shuru hoi kaam koribole apuni te, jitya apuni koi anya bhasha te.

Pobitro kotha te koi: “ikintu ekjon ke dishe kotha gyan laga Atma dwara, dusra ke kotha budhi laga utu iki Atma dwara, aru dusra ke biswas iki Atma pora, dusra ke uphar khan changai kora laga iki Atma pora, dusra ke koribole achurit kaam khan ke, arud dusra jon ke drishti kobole, dusra ke bujibole atma khan ke, dusra ke kisim kisim laga bhasha ke, dusra ke bhasha bujai diya laga” (1 Corinthians 12:8-10).

Isor laga bacha khan, itu zaroori ase k apuni khan pabo lage uphar khan ke Atma laga. Khali itu uphar dwara hi apuni kahara koribole paribo ekta gawahi hoi kene ki Isor hi Pormeshwar ase; bhanagabo bhar kahn ke satam laga; aru jitibo atma khan ke isor nimite. Itu karone, bhorta hobi Pobitro Atma logote aru kobi anya bhasha te.

Aji dhyan koribole laga pobitro kotha tu hoile Acts 2:4 “aru tai khan sob bhorta hoishe Pobitro Atma logote aru shuru korishe kobole anya bhasha te, kilekoile Atma pora kobole dishe”.