July 01 – ATMA PORA!

Zechariah 4:6 “tagot pora nahoi nahoilebi shakti pora, hoilebi Ami laga Atma pora, ‘koi Isor duth khan laga”.

Jiyabole ekta pobitro jibon tu kitya bi ami khan laga tagot te nahoi; aru itu pare khali modot pora Pobitro Atma laga. Apuni khan koi thakibo lage hobdo khan ke: “Tai laga Atma pora, itu mumkin ase”; kilekoile apuni jiyai thakibo naparibo ekta pobitro jibon Tai nathakile. Itu khali Atma pora ki apuni jiti bo paribo apuni laga komi khan ke; rakhibole paap ke dur; aru bachi thakibole niyantran hibole biya khan pora; aru loi jabole ekta pobitro jibon ke.

Apuni khan janibo lage ki itu iki Pobitro Atma thake apuni te. Tai pora bonaishe tai laga ghor, ki apuni ekta pobitro jibon thakibole. Pobitro kotha te koi: “ki apuni najane ki apuni ase mondir Isor laga aru ki Atma Isor laga thake apuni te? Judi kunuba moila kore mondir ke isor laga,Isor pora khotom kori dibo tai ke. Kilekoile mondir Isor laga ase Pobitro, juntu mondir apuni ase”(1 Corinthians 3:16-17)

Apuni kityabi bhabna korishe kile Isor pora dishe ami khan ke pobitro atma? Nahoilebi kile Tai bonaishe Tai ke thakibole ami khan te? Kunuba khan bhabna koribo pare, ki itu laga uddesh ase kobole anya bhasha ke; kunuba khan bhabna koribo pare ki itu ase ami khan ke dibole uphar khan aru shakti Pobitro Atma laga. Hoilebi bishi zaroori karan ase Isor karone dibole apuni ke Atma ase loi jabole ekta pobitro jibon ke.

Romans 15:16 te ami khan porhe: “ki daan Gentiles khan laga mananiya ase, sapha hoa Pobitro Atma pora”.  Gehra bhabna koribi itu podh te, aru apuni janibo ki chuni loa Pobitro Atma ase dhali kene ami khan te ki ami khan bi pobitro hobole.

Jitya jui Pobitro Atma laga ahe apuni te, itu pora jolai diye sob paapi adot khan ke; sob moila khan ke apuni te; sob kaam khan moila atma laga; aru gau laga lobh khan . bishi bhag khan te Pobitro kotha laga, apunikhan pabo Isor dhulai thaka putrid ke zion laga, aru hataishe khun ke Jerusalem laga tai laga maje pora, Atma pora faisla laga aru Atma jolai diya pora.

Apuni khan hodai hi bhorta thakibo lage Pobitro Atma pora. Apui khan bahibo lage PObitro Atma pora, apuni laga mon pora ulai thaka. Titya tate iku jaga nathakibo apuni laga moila nimite nahoilebi apuni laga ahpobitrota karone apuni laga jibon te. Atma Isor laga khara koribo apuni usorte ekta bera jui laga hoi kene aru bachabo apuni ke. Isor Jisu koishe: “ami ahishe pothabole jui ke prithibi te,a ru kinika ami icha kore itu age pora joli thakibole!” (Luke 12:49). Jitya dushman aahe ekta baar nishina, atma Isor laga uthai dibo apuni ke tai laga kkhilaf te. Isor laga bacha khan, hobi jinika jui pora khai diye aru loi jabo ekta pobitro jibon ke, modot pora Pobitro Atma pora.

Aji bhabna koribole laga pobitro kotha tu hoile 2 Thessalonians 2:13 “kilekoile Isor shuru pora chunishe apuni ke mukti karone pobitro kora  Atma dwara aru biswas hosa te”.