July 01 – ATHMATHI

Zacharya 4:6 Yee jorethi reda thakathethi Reda venipan  Mar Athmathij ver Kam cha, Kan phojer adhipathi kerocha.

Pavithrethi banchero katho vu apaner jorethiko thakathethiko vajako Kam koni lapan vu keval  Pavithar Athmar madath rathoj viyya. Vu Pavithar Athma naratho pavitharvagi bancher sadhya venijethi thu hamesha ‘Thar Athmathi yee sadhya’ Kan kevukarnu. Pavithar Athmaj thar vyarivupar jayam dethanu,  thar papen yek pakthin melnaken,vu pap thona swadheen karlanaju,thu yek pavithar jeevanen banchen sahayatha karevalo cha.

Vuj Pavithar Athma tharema vassarocha Kan bhulmath. Vu thonaj vor gharer nai karlethanu thu pavithar jeevanen banchaju chalarocha, jethij 1 Corinthivalun 3:16_17 tham Dever Deval chokan,  Dever Athma thamema vasarocha Kan malamchenika? Koithoi Dever Devalen haal karatho Dev vona haal karacha. Dever Deval pavithar cha, thammaj vu Deval.

Thu kannai thoi Pavithar Athma Kassen Dev apanema Renukanan nathkan vassesaru demelocha Kan sos kidoka?

Thodsek vu anybhashama vathekarenan , Athmar varalen desarun vu Pavithar Athmar jorethi bharesaru demelocha Kan kelacha. Yesejithi pradhanvagi vu Pavithar Athaman thu pavithrethi banchesaruj demelocha Kan herdemellenu.

Romavalun 15:15 Athoi Mar bhayiyo, paral jann kajako bhokan pavithar Athmathi pavithar ven, Dever khathrer bhokan vegochu Kan vanchacha. Yee vachanen vundo sos karatho Pavithar Athmar abhishekam apanepar avajana pavithar vejamacha.

Pavithar Athmar angar apaner vumpar avajana apanema chajako papena  sarapena mando asavuthi balnaken pavithar Karnakacha. Dever vachanema Pavithar Athma balnaker angaresarik  cha Kan dekacha. Yeshaya 4:4 Siyoner betir apavithrathan Prabhu dhonaken, Yerushalemer vacha loyeena Prabhu redan,  Dever Athmathi balnakevalo cha Kan dekacha. Luka 12:49 vachanema Prabhu Yesu Ma angaar ghalena aayo, Vu Abbaj laagan balena Asa karuchu Kan Pavithar Athmar bagey kerocha. Jethi thu kannavatho Pavithar Athmama bharan rechiko Jana vu Athmaj thona sey haanethi chodanaken aado godar nai sudho hubaracha.

Ajji jada dhyan karen pado  2 Thessalonika 2:13