Jul 31 – YISRAYELEN JATHAN KAREVALO PRABHU

Geeder grandh 121:4 Yidek Yisrayelen jathan karevalo vungeni, neend leni

Yee 121 geedema Dev apaner asarero gatala kanan jathan karevalo kota sariko kan vanchacha. Yee 8 vachanema 6 hapthathi jada Dev jathan karevalo Ajji kapadevalo kan cha. Abba  chalijako dader bachanevo Ajji bhavishyather bachanevo pakadan theen theen chaju dekacha.

Hava vu Prabhu apaner rakhavala vencha. Voroyeer kotama Apanen asro devalo cha. Vu Prabhuj apaner gheran angarer sthambha dakal cha. Vor angarer thalvarethi jathan karan vor sojavuthi apaner kapaldacha.

Moser jeevanema Dever bagey vu Prabhu asmanema yek sameli ghasan vunchethi vadan avajana kukadi kunvatho vor pilpilavun jathan karlachko hannuj vu apanen jathan karlevalo cha kan gavai derocha. Geeder grandh 91 :4 vo vor pankethi thona burlacha, vor pankodar heta thu asro lechi, vor sachayi thona daalan ghedya vacha.

Vuj Geeder grandh 91:1-3 sethi vunchero asrema vassevalo, sethi jorevaler chendima vassacha. Ma Yehova – thuj Mar asaron, mar ghadkilan, Ma nammujako Dev kan kuchu. Vu thona yedo karevaler paassithin, mother rogethi thona chodavacha.

Aajkaler dadema jann sey dhakethin, mata manthra karmelejethi jada bhukar vethanu rog dokkethi velabhavetimathi bhar jayeniju hayi karrecha.

Geeder grandh 91:5-7 Manikyan thu veralejayechi, vo sapner nai cha, vo parabhathi pangrajako khader nai cha. Vu parabhathi hugan pangaracha, sanjer vagath sukhan kamalavacha. Thar reesethi ham haalven, Thu vukalyavasjana ham ghabrajamacha

Yesejithi jada apanen ghano khyal karevalo shaswithvagi prem karevalo Yesu Dev thar hath jhallen hamesha chalayevalo cha kan kannai bhulmath.

Ajji jada dhyan Karen pado  Geeder grandh 46:1  Dev apanen asaron, joran, apathir vagathema sayi vevalo sobathya cha.