Jul 31 – NOUNA SAGATLIBA PRABHU!

“eina nakhoibu amukka sagatkani,aduga nakhoi sagatlaga leiragani,O asengba leisabi Israel.” (Jeremiah 31:4).

Nahakpu amukka hanna sagatkani haina Prabhuna haibiri. Houkhraba matamda sagatlamba adu tangkhai challaga tokpa natraga amukka chingkhaikhraba oirambasu yai. Madu amukka sagatkadara natraga adum leihouragadra haibasi wahang oirambasu yai. Adubu Prabhuna nangbu soidana nouhounana sagatkanni haiba ngasi  wasakpire.

Inakkhunba nipa ama leirammi mahakna mahakki leipham asi sagatpa hourammi. Mahakna yumpham thonba hourakpada mahak kanna naduna yamna amang ata thoklamle. Maram aduna mahakna madu makha tana sagatpa ngamlamdre. Matam khra leiraga madugi yum adu ningkhaire, ture. Adubu mahakki machasingna Iswarbu thijarakpa matamda angakpa maongda makhoina mateng asi phangduna angakpa thoudok ama oikhi. Madu gi yum matam khragi manungda loisinba ngamkhi.

Aduda mahakna mahakki machanupibu lairik heiba nipa amadu luhonghankhre. Adubu matam khra leiraga nouna luhongliba matei manao gi marakta nungainadaba thoudok ama thoktuna nupi aduna mapa gi yumda hallakkhre. Mahakna hallakpada mahakki mama mapa amadi imungna mahakki damakta kanna haijabikhi. Iswargi thoujanna mahakki mapuroiba aduna pukning hongduna makhoi ani nouna panminnakhi. Iswarna makhoi anibu bor pibiduna angangsu pibikhi. Ngasisu Iswarna nangbu wasakpiri, eina nakhoibu amukka sagatkani,aduga nakhoi sagatlaga leiragani,O asengba leisabi Israel !” (Jeremiah 31:4).

Moses adu Pharaohgi machanupigi machanipa oina koukhi. Sastrana hai, “Mosesna Egyptki lousing khudingbu tamkhi,mahakpu wahei amadi thabak athoiba oikhi. (Acts 7:22).  Mahakki ningthou koununggi punshi chahi niphu chuppa sagatlamba adu khudakki manungda mangkhi. Mahakki thabakki matung inna Iswargi aningba adu thunghange haina hotnabanina mahakna EGyptagi thokkhiba takhi. Ningthou macha oiramba adu lamhangda yaosenba nipa ama oirakkhi. Madu Median lamdani. Sastrana hai, “makhoina Iswargi thabaksing amadi mahakki khutki thabak singbu thouoidabana maram oiduna Iswarna makhoibu manghankhi aduga sagatpikhide.” (Psalm 28:5).

Adubu Mosesna Iswargi thoujan phanglakpadagi,haibadi Iswarna mangonda achakpa mongsong marakta unabirammi, mahakki lamhanggi punshi adu loikhre. Aduga Moses ki koubiba adu   nouhouhankhi. Moses bu sijinnaraga Iswarna Israel machasingbu Egyptki bondidagi kanbikhi. Makhoibu sagatpikhi. Iswargi machasing, Prabhuna nanggi punshisu nouna  sagatpigani. Mahakpu nouna sagatpiba Iswardu natra?

Dhyan tougadaba, “Ephraim eigi nungshiba ichanupa natra? Mahak eigi achanba ichara? Eina magi maiyokta wa nganglabasu eina mahakpu  houjiksu ningsingli,maramdi eigi thamoina mahakpu ningjakhi, eina mahakki mathakta thoujan utpigani haina Prabhuna hairi. (Jeremiah 31:20).