Jul 30 – Butente Hadabdage!

“Bindo dile ayam lingan abgarre garbernaba, yante gamle kan kuddub a deroiten a ganadelanji saring ranabraban a hangben do a On Maran a temangban a tanangben asan amben tungnan a dete” (Luk 21:36).

‘Hadabdage’ agaramgaman butente sanedan do hadab ambrij. Baran ahangben apsele ateng hanadabanji daku orde voton atiytaben adnang sanedan abmele. Amben aboi bo surda baranji alumben dete doctor adeben delenden orde engineer adeben asan. Angante hanadabanji sanaisai kan ambrij ordardage abaranji abmele, ogandiba yan ambrij ahanadabanji do aman lumle raptite gamle, Kitungan amangban! Nami a dinna-linganji jajzngante ate gijtabe.

Aparamangtan, anappai Pol idolle kan ambrij: “Anten asan hen, Gamangtung lingan a koijo maran, hen hangkilkiltaben do, ganudingan delabenan a tam ganudingan ambrij tungnadage hanaba, manan, kuddub janab lanagadan, lanabaddin batte do ateng-ayamsanayen batte tanimyim lingan amben a dile mandran arsayenaba” (Episi 4:1-2). Kitungan gudinglanten a O’ananji gamle, amangban adakunaben, a buhanangan do a gardin ambrij. Anin janang gudingte Sidrung-boige, Anin ampara arturdule adakunaben. Kitungan janang gudingle yangan akampunle adakulenji adnanang janang, kan ordaran indrang gadile adnang, jajangante ate Anin gudingle Aninji kanalkal-lingan adakulenji adnang. Itenjanang ayamlen, Amben hadab adeben dete.

Anab-bagu-lingan, amben Kristun a bangsa anoblingan abmele hadab adeben dete. “Kani satta itsum hen daku do, Kristun a bangsa anoblengan a tungna gangkil maranji ambrij amben a mandrengnan abhanaba, yante gamle hen iyan iyle d’ong ben gijlaienden, orde adamban er dakulenbe, engale amben bo janggarda lingan erztnage tanangan tanangle, bo pwrardan batte bangsa anoblengan a dernan apsele anrukkun a erte a guijte, antate amben abmele hen rapti amdangtai” (Pillipi 1:27). Bangsa anoblingberan a garamgaman kayatih beranted. Bangsa anoblingberan aboi tanimyimberan, anablulen abmele iten amihman batte ahilen ate Kitungan. Bangsa anoblingan arasudanji ja Kitunglen, a karahidan, Anin atarultulan do Anin adaina hanarmengan.

Kan a bangsa anoblingan adhanglabe. Bindo ateng anappai maranji do badlohim-maran tiydamlenji, ameng soileji do bo surda tiydamna tiydamlenji, s’inginglen indrang surpidenji abmang. Aten asan, kan apsele aimba do Kristun a bangsa anoblingan ambrij hadab adeben dete.

Anab-yagi-lingan, Kitungan a rajam-ling hadab adeben dete. “Kitungan ayengan a rajaman apsele amben satid samoihge a dete, anta rajaman apsele, tungna, gamle danisaman z adeben asan‘ kanate Kitungan a roitad banitsaran a sakkin na” (2 Tesaloniki 1:5). Tanahimdam Kitungan a onagji, gugudage asanabjasing maranji danakkun dele ruangan lingan Rajanji a Rajan. Ambendaman tungjingdamnaba, amben hadab aganben abmele orde itja. Agaja akaridadong anlen a tanakudba ardulaibe gamle!

Okiy Kinolbe absele: “Dele janang bute bute a sindridamanji adnabadiladji, ettegoi Sardi lingan aman asui himanji daku, bar aninji tungnadage a delenji asan Hen ampara paludam sindrin jijian jijile hatenji” (Anabpungge 3:4).