Jul 30 – APTHIR VAGATHEMA SAYI VEVALO

APTHIR VAGATHEMA SAYI VEVALO

Yeshaya 41:13 Thar jamman hathen jhallen thu chamakmath Ma thona madath karevalo chu kan Prabhu himmathethi kerocha.

Yee vachanema Prabhu abbajan Ajji jhaldinaj madath karuchu kan kerocha. Vuj Prabhu apaner ghadkilan Rajer kota vethanu thado kareniju jaseejas sahaya karevalo cha.

Thodsek bhenevo Mar gharevalo massaj hacho, gharema chavunujko thel sabbu sejini payero, beptan thayar karan schoolen melnakacha. Mar sopthir nai kannai racha. Ajji thodsek bhenevo Mar saasu bhari hach, vor sarik Dusar kunsi sasun polcher veni. Kassen katho manna vor sonth betir nai deklacha. Vujji Dusar bhenevo ham kirai rerejako Gharevalo bhari hacho hammen kai samasya rathoi jannaj madath karach kan kevu Karacha.

Hannu kenukatho manikya sejithi jada  antham chenijathra jada madath karevalo maro Prabhu.

Ma thona madath karuchu kan massaj vachanema kemelocha, Yeshaya 65:24 manna araj karenijer angaj vunder samluchu, vo balayenijer angaj vundethi vathe karuchu kan kerocha.

Geeder grandh 91:15 vu Manna balavajana, vona ma javaab duchu, bhavetima Ma vorsath ren, vona chodan vona ghanam karuchu kan Dev kerojako vathen vanchacha.

Daniel 10:12 vachanema chaju Danieler jeevanema Dev jannaj madath kidojen dekacha. Yek vela Dev vora sahayana 5 nimisha thado kido atho Daniel sinkoser mundema baati vejatho lapan Dev jannaj vor sojan melan vona madath karan Danielen chodan Danieler vadithi Dever nam mahima viju dekacha.

Ajji jada dhyan Karen pado Yirmia 17:17-18