Jul 28 – BANAYOJAKO SRUSTI KARTHA

Geeder grandh 121:2 Mar sahayata dharthinan asmanena banayojako Yehovathij avacha.

Apanen madath katha malacha? Katho apanen sahayata dharthinan asmanena banayojako Yehovathij avacha. Ajji Dusar keri vadithi madath maleni.

Vu Prabhuj soli sahathana ashiser kaaran cha. Vor nazaren apanepar melan gareebethi chajako Apanen vu Prabhu vuncho padan sethi jada ashis karevalo cha.

Geeder grandh 123:2 yidek bayar anki vunder malaker hathena dekaju, bandir anki vor malakir hathesam dekaju, hamar Dev Yehova hamena daya dakalajethanu hamar anki vorsam dekhi racha.

Yee Dharthinan asmanena banayojako Devaj apaner yadir petema sada banayojako cha. Vuj apaner sahaya Ajji vuj Jager punadhi ghalojako cha. Geeder grandh 104:5 vachanema Yeshaya bhakthidhar jammi kannai halanaju vor punadhipar vona terayocha.

* Yeej vathen Yeshaya 48:13 Mar hath jammir punadhi ghali,. Mar jamman hath Yee sari asmaner vishalatha vegi, vunden balavuntho yekthoi chodeniju sey hubarjavacha kan Dev kerocha.*

Dimovupadesher grandh 33 :27 – 29 Devaj thar vasser jag cha, vor joreval shaswith hathaj thar heta racha, vuj thar mundagethi thar vyarivun dabetnaken hal karnakacha. Yisraeleval dhak cheniju banchacha Yakober voota veri vejavacha, vu daanan angurer jhad  chajako deshema racha, asman vor vumpar hasso padaju karach.

Yisrael thar bhagya kathra moto cha, Yehova rakshan kidojako thar dakal kuncha? Vu thona madath karer kedam ven rethanu thona vaddadajako thalvar thar vyarivo thar vath manaju vesham ghalacha lapan thu vunder mot mot chajako jagevun sathyanas karnakechi. Geeder grandh 115:15 Asmanenan dharthina banayojako Yehovathij tham ashis paldecho.

Yirmia 3:23 vachanema chaju vu Dev thar sey khabarema Thon madath karan thona navvo dayathi navvo krupathin navvo araj karer Athmathi chalavacha.

Ajji jada dhyan Karen pado  Geeder grandh 34:5 Vona vo dekan jhanke, vumder mundo kannai laaz vikoni.