Jul 27 – PUKCHEL SENGBA!

“Pukchel sengna chatliba midi asok apan nangde,adubu mahakki lambi serannahanba midi lotpa yade.” (Proverbs 10:9).

Iswargi mangda achumba oiba amadi dharmachenba oigadaba haibasigi wakhallon asi Proverbs ki lairikta iduna lei.

Pukchel sengba haibasi karino? PUkchel sengba integrity haibasigi wahei asi achumbaga yana mari leinei. Masi thajaba yaba gi mapum phaba lamchatni. Aranba amata leitaba adudagi henna athobani. Masi achumba oiba amadi wayenbani. Pukchel sengna hingliba misingdagi aphaba mahei uba phangi. Makhoina keidoungeidasu mibu minamloi aduga oidaba ngangloi. Aduna pukchel sengba misingna matam leiba khibikta singna thabak tougani.

Eikhoi asi pukchel sengna hingba asi  Iswargi apambani. Noahna mahakki mironda mapung phaba punshi hinglammi. Aduna Noahna Iswargi mityengda thoujal phanglammi. (Genesis 6:8). Atoppa ateinadi papta amadi ayol aranda hinglami. Makhoigi wakhal khudingbu mikup khuding phattabana thalli. Aduna Iswarna makhoibu manghange haina warep louba matamda mahakna Noahbudi kanbirammi. Madu hijao adugi mapannani.

Matou adugumna Iswarna Abrahambu koubiba matamda, Mahakna hai, “eigi mityengda amakpa yaodaba punshi hingu.’” (Genesis 17:1).

Wahei ga thabak mannadaba misingna keidungeidasu pukchel sengba punshi hingba ngamloi. Mi mayamna makhoigi punshida pukchel sengba haibasi leitabagi maramna makhoina sandokliba wapao adugi matung inan hingba su ngamde. Luhongba yamna sillangliba nipa amagi luhongbagi punshi asi maithikhi maramda mahakna pukchel sengba punshi hingba ngamdabagini.

Psychiatrist mayamna suicide touduna si, marmadi makhoi masamakna makhoigi problems bu solve touba ngamde. Economist mayamna lairaduna sikhi. Masi makhoigi punshida achumba amadi aphaba leitabadagini. Makoina lairik laisu kaya khangba tarabasu makhoina pukchel sengba haibasi darkar oi. Makhoi pukchel tang senglabadi eikhona makhoibu thajaba ngamduna ngajaba ngamgani.

Aphaba preacher oiramba Spurgeon aduna British Prime minister aduda asumna irammi, “ Prime Minister gi punshi asi nungairamba yai. Adubu nahakna nangonda sinnariba thoudang adu pangthokke haiba tarabadi nahakna pukchel sengba amadi chumna hingba mathou tai.

Nahakki punshi asi lousing amadi    akanba yumbi mathakta sagatpa pamlibra? Adu oirabadi nahakna Iswar amadi mioibagi mityengda chumna amadi pukchel sengna hinggani haina achetpa warep loubiyu. Adu oirabadi nahak dharmachenba kouba yagani.

Iswargi machasing,nahak machada thajaba yarabadi Iswarna nahakpu achouba thabak ta sinnagani. Aduga nahakpu ayambagi mathakta pannahangani.

Dhyan tougadaba: “nahakki Prabhu Iswargi mangda amakpa yaoroigadabani.” (Deuteronomy 18:13).