Jul 24 – VUNDERO GHAV VARU VERO

Luka 1:13 Jana vu soja – Zachariah chamakmath! Thar araj samlagocha, Thar gonni Elizabeth thona yek betan janacha, vona Yohan kan nam pades

Budapanema vethojako Zachariana soja dayathi darshan dinoju, Aaroner peedimathi Zachariah Yajaker nai kam karrotho. Vo dadema Yajakevo 24 gumpu vemelethe. Yekek gumpuna varsema dee vara kam racha.

Vunder sev varsema deej vaara racha. Vu athra pavithar jaagema jaan seva karena kun javunu kan cheeti naakan ker name par avachako vuj jayer vacha. Vu vagathema cheeti budapanema vethojako Zachariah par aayi.

Luka 1:6 vachanema chaju Zachariah Dever agnama shasanema chalrotho Athoi vor dallema kervenijako ghav vetho. Vun vor gharevali doi niyathedharer nai bancharethe jethi Dev vona betan dinojena dekacha. Athra niyathedhar vethe thoi vunden goddur nai rakad melotho.

Luka 1:13-15 Jana vu soja – Zachariah chamakmath! Thar araj samlagocha, Thar gonni Elizabeth thona yek betan janacha, vona Yohan kan nam pades. Thona khushin ananda Vacha,vu pedavajer vadi ghane khushi pavacha. Vu Dever nanzarema moto racha, angurer rassenan, daruna piyeni, vu vor yadir petema rajannathi pavithar Athmathi bharan racha.

Athra jada dallema ghavethi vethejako Zachariana vu athra daad kidejako arajen Dev vor sojan melan yek betan dethanu samjayoju dekach.

Vu dadema chelavo Yesu Christhur bagey hamar Yisraelevalen Rajer nai palan karena avacha ham sada vor sath palan kareja kan asaathi ghasan dekrejana vu Prabhu vunder asar prakara kai vikoni. Jethi vunder dall ghavethi bharagi jethi Prabhu Yesu maran masanemathi jeevyathanu jeevaner adhipathi vethanu chelavun dikan samjayoju dekach.

Ajji jada dhyan Karen pado Yirmia 30:17