Jul 24 – Butente Adsandunge!

“Butente arakaddangdaman tambedle d’ong-Hen adsandung-lenden anin Hen abmele tungna ted” (Mattiu 10:38).

Bo dinna bo mandran tiyj’elen iten sanandung-mar, do iyeten dimadne. A dimadna-lingan, Anin gijle tanalmadan. Atanalmad-lingan, anin oblingten bo daarakuna ambele itente arakkadaanganji batte barij dakulen ate, ateng janabanji batte. Engale anin kun darakunaba yirre, Kitungan apisirdian a d’ong jalle do abo arakaddangan tiyle. Okij anin gijle tarban arakandangan. Anin pisirdian a d’ong gamle kun arakaddaan tiyih gamle. Kitungan a pisirdian odille do kun arakkadan tiyle. Bindo anin ateng sagaidam yirre adrabtiad, kuddub tarbanji galule, kun gulape taran ahidbanji batten akandungba panaran dele. Do anin danukkan batte pisirdian amangba yarlenaih.

Anin gamle: ‘Agya, hen er-rapti kan batte ateng kanalkalan hanglai panaran do er-saih. Kan arakadangan taba mang-hen saring, do ranan aambrij arakkadangan tiyih. Kan batte bangsa arakkadangan apante boi boi bangsa’. Kitungan a pisirdian ordile anab-bagu tara. Lagundaman ranan arakkadangan er-ranaptidam dakule. Atiriben amang, anin liyeng-oyengge dele do adtiredad lanugunan asan. Er-ranaptin asan, omdrengle okij yernaiten.

Kan ayam anin pisirdian a d’ong gamle: ‘Agya, ajardinna ranan arakkadang boi boi bangsadam. Hen ogandilai mandranji saring laniman do ganugun hangtai gamle, kan arakkadangan batte. Bindo hen tireedle er-rapti. Aten asan, kan ate obsada mang-hen saring do abmang atiylihen arakkadangan tiyih. Do man’oihan batte Hen jatai’. Ateng mandranji saiteji alangan, ranan, ruppan do ganamangan. Kan sadan-sadle okij aninji iteja adsajeji.

Tanahimdam Kitungan a onagji, amben ordardage asamana agijgijdong. Ganijgijbenji ruanganang ajanaban dakuben dete. Kitungan mangben saring saite arakkadangan tumbedle asandunben dete. amben agaja anabs’ide bangsa janabanji itente tanurtuman dele, ordaran ajanaban er-hangdrang-dage.

Okiy Kinolbe absele: “Seletten Jisun a hanangna maranji a d’ong gameten, Bogad buteja d’ong-Hen a sandungben itsumlenden, anindam umdrengdam-nete, do arakaddangdaman tambedle sandungihte” (Mattiu 16:24).