Jul 23 – PRABHU VOR CHELAVUR ANKI VOGADO

Luka 24:30-31 Vunder sath vu baati khayena betojanna, vu Prabhu baatina len ashis karan vona thodan vunden dino. Jana vunder anki vagadan vona vo valaklide, jannaj vunden vu aadam vego.

Yesu Christhu punarudharana vegojer pacha dee chelavo Emmai Vatema chalan jarejanna, vunder sath Dever vathen kalathanu vunden malam chenijako manikya dakal kerotho. Vunder sath vu baati khayena betojanna, vu Prabhu baatina len ashis karan vona thodan vunden dino. Jana vunder anki vagadan vona vo valaklide, jannaj vunden vu aadam vego.

Mar premer Dever beptavo aajaj thar ankin vagadan thar pakthima Yesu Prabhun hubojen valakes. Philippvalun 3:8 vachanema Aposthal Paul Yesu Christhun malam karlero genevasu ma sejini nasta karlidochu kan kerocha. Athra jada tharasethi Yesu Christhur punarudharana vu padojako velar sahavasena kalalesaru Mar ankin vagalden renu kan asa kido.

1Corinthivalun 13:12 abba kachema chendir nai dekacha, janna yekker yek dekiya, abba thodsekaj malam, janna Ma malam karlajer nai puro malam kariyu kan keldo.

Vu Prabhu Yesu Christhuj srsuthi kartha cha, vor jaanen sada vunder saru denakocha kan yee Bharath desher janner ankin vugadan vunder saraaper vigraha aradhanathi Ajji  aacharathi bhar padan saso sathero Dev Yesu Christhur vacha ayeda.

Pathmas dweepama Aposthal Yohaner anki vugadersath vu asmaner sayaan ditto Ajji bhavishyather grand lakkena darshan paayo jen dekacha. Vuj ankithi vu sojavun paramenan paradeshen sada ditto vu kathra achamero darshan kunika.

Aposthal Thomar anki vugadijana vor aviswasethi vethojako barobbar viswasema aathanu Mar Prabhu Maro Dev kan maanlido.

Mar Dever beptavo kanna thar anki vugadachko janna thu Ajji aviswasema reseniju bharpur viswasema athanu Ajji thona pakader hathayeni athra jada khushithi bhara jachi.

Ajji jada dhyan Karen pado  Geeder grandh 119 :27 Thar angar Vatena manna kalades, jana thar acham kalar kamena Ma dhyan karuchu.