Jul 22 – TAI JUN KE CHARI DISHE!

Luke 13:12 “maiki, apuni ke chari dishe apuni laga letra pora” Isor Jisu pora apuni ke chari diye apuni laga sob bhandi te thaka pora, shakti andhera laga, apuni laga bimar pora aru apuni laga sob letra pora.

Jitya Jisu shikhai thakishe synagogue khan te, tai dikhishe ekta maiki ke, jun hi thakishe atma biya letra laga 18 saal nimite. Tai niche phine tera hoi thakishe aru nijor ke uthabole napare. Tai matishe utu maiki ke tai laga usorte, aru rakhishe tai laga hath tai uporte arutai ke changai dishe, utu din  Sabbath laga din thakile bi. Hoilebi synagogue ke cholai thaka laga leader khan bhal laga nai, kilekoile Jisu pora taike Sabbath laga din te changai dishe; aru tai koishe bhir khan kw, “tate 6 din ase jitya manu khan kaam koribo; itu karone, ahibi aru changai dibi taikhan ke, aru Sabbath laga din te nahoi.”

Isor pora itu laga jawab dishe aru koishe, “toh, nahoi itu maiki, chokri hoi kene Abraham laga, junke satan por bandhi kene rakkhi she athara saal nimite, chari bole taike itu bandhi pora Sabbath laga din te?” (Luke13:16). Itu lag atinta mul bhag ase itu jawab laga juntu Isor Jisu pora  dishe:

1.Itu maiki thakishe Abraham laga chokri

2.Satan pora dhori kene rakkhishe taike athara saal nimite

3. Taike itu bondhi thaka pora chutkara dibole lage

Itu maiki karone utu tan nahobole tahaka ki tai athara saal nimite niche phine tera hoi thaka ke aru ek din thaki bolle nimite. Hoilebi Isor itu ke rukhanai aru tai changai dishe utu eki din te, judi itu Sabbath laga din hoile bi. Tai itu alag ke iku bi bhabna koranai ki synagogue laga dangor khan pora ki kobo. Tai icha korishe khali taike changai dibole, kile koile tai Abraham laga chokri thakishe.

Apuni khan sob jun Jisu Krista ke biswas kore, tai khan sob bi Abraham, david aru Isor Jisu laga chokra aru chokri ase. Pobitro kotha te koi, “jun khan biswas te ase tai khan ase chokra Abraham laga.” (Galatians 3:7). Jitya inika hoi, tini hoile iku narukhibo lage apuni ke chari diya bondhi pora apuni laga bimar aru letra khan pora.Isor jun hi changai korishe ekta maiki ke letra laga atm pora jun bondhi hoi kene thakishe athara saal nimite, tai icha kore apuni ke bi changai dibole.

Sabi itu jor laga karon ke bimar hoa laga. Bishi baar, bimar khan ahe letra atma pora. Biswas koribi apuni laga mon te ki Isor anishe nior ke itu satan khan laga kaam ke biya koribole. Jitya apuni itu ke biswa koribo, isor pora dibo apuni ke changai aru bhal gau aru apuni ke ashirbaad dibo.

Aji bhabna koribole laga pobitro kotha tu hoile John 10:10 chor nahe iku koribole hoile chor koribo nimite,a ru morai dibole aru khotom kori dibole. Ami ahishe ki tai khan jibon thakibole, aru ki tai thakibole pura bhorta hoi kene.”