Jul 22 – ELIYAR ANKI VUGADERO

2 Rajer grandh 6:17 Elisha Prabhu abbaj yee motyarer ankin vagades kan araj kidojana Dev vor ankin vagado..

Prabhu Yesu Barthimayir ankin vagado jana vu anandethi yee Loken ditto. Vujjeker ankin vagadojana vor mundagaj hubojako sathero dosthi Prabhu Yesu Christhunaj ditto. Kanna thar anki vugadachko janna vachanemar adbhuthar rahasyavun kalalechi.

Kanna Thar athmik anki vugadachko janna thu athmik nazarethi sojavun, athmik lokena Ajji praloken sada dek sakkeja.

Yetha Elishar sevak Syriar phoj gheran chajen dekan vu massaj dhak laago. Yee jeevadar Nazarethi dekatho vyarivun dekan kannai chamkanaj marjamacha. Lapan Dever beptavo mathram Dever sojavur vadithi angaresarik ghoder rathamevun dekacha.

Yee lokema Dever bepta Hannu kacha 1Yohan 4:4 vachanema nankya beptavo, tham Dever ven vunden jeethecho, kassen katho, jagathima chajethini Thamema chajako moto cha.

Yerikopar Yehoshua jeether aanga vu asamner phojer Adhipathi Dever soja thalvar jhallen hubojena dekersath himmath palido kan dekacha. Thar ankin Prabhu kholajana thu vu Dever prasannathama aradhana karer seeklenu. Janna thar gheran hazaarema sojavo hubaran thathi bhalan aradhana karach.

Gener vath 28 :1 yee loker admi kan paissar jor reja. Jada phojer sainik vunder hathema reja. Jada Mando karer manikya reja. Lapan apaner gheran angaresarik rathavon ghodevun Dev rakadmelocha. Asso bhuthesarik admivun dekan kassen chamaknu apan niyathevaler nai sinkoser dakal dheerethi reval kunika?

Yeshaya 41:14 thar Pavithar Yisraelevalen Dev Maaj thamen chodayevalo chu jethi tham chamkomath.

2 Rajer grandh 6:20 Elisha araj kidojana Deven malam chajako vor dai vethojako sevaker ankin, Syriar sainik Deven malam chenijakoner ankin sada vagado.

Ajji jada dhyan Karen pado Geeder grandh 121:1-2 Manna saayivajako dadiyasam Mar anki padan dekuchu kan. Mar saaytha dharthinan asmanema banayojako Yehova dayithi avacha.