Jul 21 – Banabyen a Dane!

“Iten asan gamlenden kuddub kanalkal-ling-len Anin babyetalen, yante gamle itente a banabyen Kitungan batte anlen banabyen detabe, kun batte dile kanalkal lingan a deten a mandranji a d’ong anlen rapti abbabyetabe” (2 Korintianji 1:4).

Jakub a mandrengnan barij kanalkalan dakule. Anin sanuneten a buhangan batte angante a yangan akampunlen dakule. A Uan amang saring apardi-onan a deben asan saile.

Butente a d’ong anin timyimle a d’ongan ahangben asan bakkurdi mihnum sikoija dakuneten (Hanangber 4:1). Do ateng baran lumle ateng mihnum sikkoija a kuharan amang saring. Bindo kun kudduban akanalkalan saring kan aboi kanalkalan, Kitungan batte asanunaben. Do Kitungan batte asanuneten.

Adnang kun ayamlen kan ambrij. A d’ong jakub gaamle ganudingan adead, bindo Israel gamle. Butente a d’ong kan ambrij dele nami ganudingan dete Kitungan, anin kanalkalan hangleja Kitungan batte do dainan hangle. Bibolan gamte kan ambrij “Do mandran anindaman saring bzgarda radu.

Maran batte rapti adnarbade-e, Bogad kun janardidage delenden, yangam Jakub Kitungan batte daina dele, butente ranaptidam anin saring. Angante Kitungan amandranji garber-lingan sanutenji, Kitungan Jisu Kristu janang labsotai do akanalkal-linganji iytaidakune. Marid Janggaardan janang dakute, d’onglen asayaamben asan, d’onglen ablumuben asan, kanina asan (Jon 16:33).

Kitungan amandranji kanalkal-lingan dainan hangteji. Kanalkalan Jakub Kitungan batte, Tumadgijmar Ose idolle: “GAMANGtungan Judan a lanangka arbadeberanabmele; Anin Jakub a d’ong. Anin a taramtaman ambrij padradte (2 Timoti 4:18. Anin anin a baranji ambrij anin a d’ong dulpadradte.

Darakkuon lingan na saring Jakub anin a buhangan danungkurdijengan hameten, do a maranglen ayam lingan anin Kitungan ampara sanueten”. Engale kanalkalan hangle, sanabyun janang hangle a buhangan saring. Ateng mihnum saring anin a d’ongan asanggemle.

Yan abangsan kan ate buhangdage a tanimyiman. Bar gijba, Hen U’an a sanibdai taniyan mangba-ben appaitai (Ayub 23:10). Bindo lanangkaban saring ranaptin batte amben anabrotudan endrang de-en (Anappai 14:22)

Tanahimdam Kitungan a onagji, itente amben a garberten togalan ayamlingan sanunaben Kitungan batte.

Okiy Kinolbe absele: “Bar a dijte ‘satta ted, bindo kanalkal lingan janang’ m’oihdatalen, iten asan gamlenden anlen galamtabe do kanalkalan saring uywb-sanayen dungte, bar uywb-sanayen saring sakkai imnan dungte, do sakkai imnan saring danerderan dungte,” (Romi 5:3-4).