Jul 19 – TEON NIJOR KARONE!

“Israel Khali korishe tai laga theni ke; tai Ane phal nijor karone!” (Hosea 10:1)

Teon jun lagai ekta lota bagan ke hosa te akha kore lagibole phal. Tai Pani dhale itu ke, mol diye aru lagai himina itu laga gehrav te, utu akha te. Hoilebi Khali olop theni te lage bhal phal.

Ki Isor koi manu kah ke Israel laga? Israel ase phal nathaka theni. Tate iku motlob nai lagabole itu ke, Pani dhalibole aru mol dibole kilekoile tate nai iku phal. Itu nalage phal mali karone, na Malik karone, hoilebi nijor karone. Aji bi, tate Bishi ase Jun khan ase swarthi.

Ekta Manu kinishe ekta daami goru, akha kori kene ki itu dibo Bishi dush. Homoi Jai kene, itu bacha buki she, aru jonom dishe ekta goru bacha ke. Jitya Malik ahishe dudh lobole goru pora, itu pora lobole diyanai hoilebi lat marishe aru dhakai dishe. Aru jitya tai ahe ekta daba logote, utu goru pora lat pare, biya kori kene dudwala laga dath ke. Aru tai polai jai bachabole nijor laga jibon ke goru pora.

Aji, Bishi manu khan loi jai ekta swarthi jibon ke. Isor ashirbad dishe tai khan ke, dishe bhal porha likha ke aru diye kaam. Hoilebi jitya tai khan shuru kore kamabole poisa, tai pura phelai itu ke nijor uporte aru nadiye iku Isor laga mantralay te nahoilebi Isor kaam te. Tai khan narakhe Isor lag bhag ke tai khan laga kamai pora. Tai khan thake phal nathaka theni nishina.

Ekta ami laga batchmate university laga, phelai poisa behisab pora. Tai khabo Bishi cigarettes ek din te aru phelai Bishi poisa restaurant khan te. Toh ami bhabna kore tai dhon porivaar pora ase naki. Hoilebi jitya ekbaar ami tai laga ghor jaishe, ami paishe ki thakishe Bishi dukhiya porivaar pora.

Tai laga baba ami ke koishe, “ami bikai dishe sob ami laga mati aru dhon ami laga lora laga education  nimite. Ami laga maiki aru ami khai Khali ek baar khana din te, aru balidaan dishe dusra khana khan ke aru pothai utu poisa ke lora laga porha likha laga kharcha nimite”. Ami utu homoi te hi bhabishe kinika lora phelai utu poisa ke iman laparwahi pora, ami ami dukh hoishe. Itu pura swarthi aru phal nathaka jibon ase.

Bacha khan Isor laga, Judi apuni dhuri bole mon ase phal Isor karone, apuni jiyabo lagibo Isor karone aru seva koribo lagibo Teon ke. Ekta bhar loi kene apuni laga atma te, apuni jabo lage bisari kene manu khan ke Jun khan ase bhera nishina ekta charwaha nathakibkene. Isor Jisu, Jun koishe roop ke naukar laga apuni karone, nomro korishe nijor ke mrityu tok kruste aru dishe hekh laga khun tok Teon laga apuni karone. Ki apuni na dhuribo phal Teon karone?

Aji dhyan koribole laga Pobitro kotha tu hoile (1 Corinthians 9:7) “kun lagai ekta lotabagan ke aru nakhai itu laga phal ke? Na kun Sai bhera khan ke aru nakhai dudh ke itu bhera khan laga?