Jul 19 – Anindaman!!

“Israel bo alamna lanaman na. Anindaman apsele j’on amdungle” (Osea 10:1).

Aamben agaja aerre-guije ranapti-ling-ben, bindo Kitungan a ranaptin batte, itente barate ranaptin batte mang-ling-ben. Kan ate a ranaptin mang-ling-ben adakun asan.

Anten asan amben bo surda dainan ahangte danuaaiyan saaring ruang-lingan adakunaben. Bo mandran saring mandran dainan hangte, anin aranaptin abmele galamdongete bindo asanggem-maranji aranaptin. Aamben oskailen adakunaben dete.

Itente Janggarda mandrengna-ling-ben anabtaangoran abmele sanuten. Ite-janang adnang, tanongban dukkarin amang saring orde dukkarin oskaite a tanongban abmele. Kan ambrij aayam-lingan bo bigarda janggardan yirtai, a d’ongan badrabte do akznsan, do er bangsa baran alumben oskaite do tanuaban janang. Umdrengle kan ambrij a janggardanji surpidamnaben dete. Anlen kznoltaben abrunan abmele.

S’ing-lingan, aangante dunkarin a tanongban a d’ong joldate orde bogad tanongba dukkarin a d’ong joldate, abrunan a janggardan yirtai s’ingban. Kitungan Jisun amangban, Sanabyu Rajan, sanabyun do tanimyiman. anlen kznoltabe duai-janggardan abmele. “Do GAMANGtungan Janggardan Sol amang saring dunglen yereten.

Do GAMANGtungan amang saring abo er marid janggardan yerre, anin a d’ong galaih piyaihge abme-eten”. Angante kan ambrij a janggardan yirtai mandran amangban. Dile ayam a j’en kalkal dete, bo baran asan, do anin ateng dukkadate a je-lingan.

Aumdrengben kun ambrij a janggardan, amben Kitungan batte arberben dete do mandranji batte do ayernaben dete tanimyim-lingan. Anlen janang kznoltabe janolda janggardan. Mandranji kan ambrij a janggarda-lingan dakuji, kuddub a bara-linganji joldatenji. Anin dile ayam oganditeji yangam mandran a d’ong a joldai gamle.

Tanahimdam Kitungan a onagji, Janoldan batte yangam lebun hangai gamle, Kun kudduban a janoldanji hangdrangan adtie, bindo kan batte dile ayam abmele j’e-lingan dakuten abasudale. Jznjzn-murdage Kitungan a suyeman asaiben do kan ambrij a janggardan  do pintu. Ateng er marid janggardanji daku janggardaadaage?

Okiy Kinolbe absele: “Buten anga janang a bittidamanji batte sanu baran. lumte? Buten drakiya nebanji kutta lingan guan gule J’on ajjume? Ijjaden buten manda- medan gupa-an gupale arduban aggae po?” (1 Korintianji 9:7).