Jul 17 – Uailoge Guba!

“E Sion lingan a basuten a mandranji, uailoge guba; man’oihan batte kenba. Iten asan gamlenden Israel a Marid Maran mang-ling-ben gugudam daku” (Jisaiya 12:6).

Bibolan bagu tubtuble Kitungan a pasijanji a d’ong: buten buten ate Janggardadage do buten buten ate d’ongdage. Buten buten ate janggardadage batte anabtagoran dete.

Uante janang butente d’ongdage dakute, aitsumdamanji ambrij hatenji do atanakud-lingan sidteji do anablun hangtabe. Bibolan gamte butente janggardadage bitsarate kuddub abmele, orde barij abmele kuddub-lingan. Anin kuddub garber-lingan dakute, Kitungan atimangba do barij surpiddamna batte atanakudban yirtai, itedeleja. Kitungan atimangba yirben dete do barij man’oihan batte. Barij anogalan batte kuddub-lingan. Angante amben agijte pitor amandrengna abmele.

Anin ordardage amengbnaben abmele dakule. Angajanang atalaiban ayam-ling, anin janggarda-lingan surpidamnaben dete. Kitungan gamte a d’ongan: “Jarditen gamle Hen opungtam, aman danggardalen adnang, Amandam jidublen do uante aman itsumle.

Tetten endungle. Bindo aman talaibaten adnang aman urpadsite. Do bo bzgarda mandra abjidubtam, bar aman adnitsume tetten uante urungtam. Janggarda-lingan amben a surpiddamtenppo. Banitsaran abmele hanglen kuddub abmele agalamben dete.

Agajanang amben daman aogalte. Ogandiben dete kan ate hadab dete Kitungan a bernan batte orde itja. Kitungan atyimangban goba do gadlamba, barij anogal-j’e batte Kitungan atanurdun yirtai do ganadlamberan ahangben dete. Daudo abmele gijgijba. Barij tiydamana batte Kitungan atimangba surpiddamlen. “Kitung, d’ong-hen sanilsaijih do uggar-hen galama. D’ong-hen tungjengih do anogal-henji galama.

Bar alung-uggar-hen iteja danuaihan daku orde ijja, Aman gija, do er ahidgod lingan d’ong-hen abanjengih. Angante Ordaran d’ongben gijgijte. Oskailen dakunaba hanangasn atiyben do Kitungan a berna-lingan atiy-j’enaben. butente d’ongdage amanagad-lingan urungtaben!Kitungan d’ongben ranaptin tiyle do Danen tiyle bigardanji saring. Kun ayam-ling, Anin saite mangben saring amben dane ahangben dete. Kitungan Jisu Kristun barij dane.

Tanahimdam Kitungan a onagji, anogal-ling-ben abagandile ayirben dete, berna-lingan do lanum-lingan. Anin dile ayam ombdile dakulen U’an a berna. Anin Kitungan a itsum abojoraiben asan osakai dam dakule do a U’an a danelen dakule, Amben dane ahangten.

Okiy Kinolbe absele: “E desa, bantongdong, erdikadam dean dele m’oihna; iten asan gamlenden teb GAMANGtungan rubmangdaman a baran lumeten” (Joel 2:21).