Jul 17 – Tai jun hi Bhuge!

Matthew 24:13hoilebi tai jun hi bhuge ses tok tai khan hi bachibo.

Apuni laga itya hi homoi kinikathakile bi- judi bi kaam, padhai, pratyogita nahoile khel kud te, itu zaroori ase ki apunikhan ituke ses korisbo lage. Itu iku kaam laga nahoi apuni adha pora charile. Isor apuni ke icha kore dibole apuni laga sobse hosa laga kuchis kora ses tok aru jitibo paribole.

Bishi baar laga daur te, khali poila duita jun pongche tai khan ke hi pratyogita laga uphar ke diye, aru alag partyogita khan duh hoi kene hi jita khan ke sai thake. Hoile bi Christian laga jibon te, sob tai khan jun khan itu daur ke khotom koribo tai khan sob bi uphar pabo. Aru jun khan bhugi kene thakibo ses tok tai khan pabo jibon laga mukut ke.

Bishi dukh khan ase, samasya khan, dukh khan aru takleef pai itu prithibi te. Hoilebi tai jun hi itu ke bugibole pare ses tok, tai hi bachibo. Bishi manu khan napare itu ke bhugibole ses tok. Tai khan thaki jai jitya sob manu khan tai laga khilaf te jai Isor nimite. Tai khan jitya dukh pai itu jhagra, dukh aru bimar khan ke bhugi kene tai khan napare dhuri kene thakibole Isor nimite utu utsah ke. Toh tai khan nijor laga biswas ke jabole diye aru prithibi logote samjhota korible shuru kore.

Tai khan koi ki mora mas ke itu samasya nathake, kilekoile tai khan nijor hi pani laga rasta pora ulai jai. Hoilebi itu jinda mas laga kissa nahoi, kilekoile tai tari kene pani laga dhar hisab te beraia ru sob dukh khan ke paar kore. Itu nishina hi judi Krista- jibon apuni te ase, apuni nijor ke bacahbole paribo prithibi laga lobh aru icha khan pora.

Ekbaar panchta sathi khan shikhishe bihi bhal training bishi ssal karone ekta borop laga pahar te pongchibole. Tai khan kiman training loi thakile bi, tai khan itu pahar te uthibole charibole lagishe, bimar nahoilebi bishi thanda ke bordasth koribole napara nimite. Hoilebi ekjon tu  itu khan sob ke bhugi bole parishe aru pongchishe thik uporte borop laga pahar te. Tai ke sonman dishe tai laga itu jit nimite aru bishi pora tai khan laga khusi ke jonaishe.

Aji laga homoi tea mi khan bi ekta mission te ase aru barhi ase itu swarg laga pahar nimite, krista lga theng laga ishan ke picha kori kene. Apuni khan kitya bi bhagor nalagibo lage, ki samna te ahile bi. Apuni khan nijor ke dilasa dibole lage itu ke bhugi paribo koi kene ses tok. Ami khan pobitro kotha te koi Luke 9:62 kun bi nahoi, nadhale tai laga hath te khundi bole, piche sabole itu hi thik ase isor laga rajyo nimite(Luke 9:62) isor laga bacha khan apuni khan ses laga homoi te bishi usor ahi ase. Rakhi thakibi apuni laga bhugibo para ke tagot di kene ki apuni laga daur te rasta pobitro laga, ki apuni bi mukut jibon laga pabo upharte koi kene.

Aji bhabna koribole laga pobitro otha tu hoile revelations 2:10 bhoi nakoribi iku itu saman khan te bhhuga laga…biswasi thakibi namora tok, aru ami apuni ke dibo mukut jibon laga.