Jul 17 – ROTHANU GHATTO BARKAYO

Yeshaya 12:6 Yehovana sthuti karo Vor namen prakat karo jannema karyalen prachura karo vu Prabhur namen ghanamer chakan herdemellenu.

Prabhu mahan, vu mahimaro simhasanepar betocha. Vuj apaner Bap. Jesaru vu Prabhun rothanu ghatto barkan araj karnu. Vu Prabhun barkan sthutir aavaj kar. Vu Prabhu moto kam karevalo.

Apaner Dev goppodu cha, vu sey devethin moto ven cha. Jethi apan bhandajako deval ghanamer cha. Hannu Solomon bhandojako devaler bagey abbethanu sey kelaju bhandan vu Prabhun barkan ghatto thuthurathi devaler pavithar jagema sey samalaju araj kidojan sey bhalan Hava vu Prabhu mahan cha vu ghano dayavalo Dev cha kan Dever namen stuthi aradhana kide.

Aaj vathoi vu Dev apaner dallema moto ven vasarocha. Vu Dev Apaner sey samasyathin moto cha. Apan rogdokkema adhara padajako vaidyavithin apaner Prabhu Yesu moto cha. Thar virodhvagi hubarajako vyarivo Goliathe sarik kathra rathoi thar saru vu Devaj ladai marach.

Maro Dev ghano moto Dev kajako darshan ken chako vunder mundag kasseko Pharo rathoi chamkeniju racha. Ajji kunsi thar Yeriko godavo yeduru avathoi kai thameni sada.

Yeseji chalnu katho thu Mosey Dever vath manoju thu sada vath maanan, Yeriko sherer gheran Yehoshua phartho phartho stuthi aradhana karthey ghatto barkan Deven mahima kideju thuyyi karer seeklastho thon vu Prabhu thon jayamer jeevanen devacha.

Ajji jada dhyan Karen pado  Yovel 2 :21