Jul 17 – PRABHU VAGADACHA

Geeder grandh 146:8-9 Andher ankina Yehova vagadacha, dabb sabejena Yehova vuncho padacha, niyathedharen Yehova prem karacha. Paradeshivun Yehova banchadacha, vu bagar dikker beptanan, raand beerena palacha, pan Dushmaner vatena haalema chalavacha.

Yesu Prabhun ankin vagader satha cha, vu Prabhu thar athmik ankin vagadevalo cha. Aposthal Paul Ephesivalun 1 :18-19 vu Prabhu Kalaler Mar ankin  vagadastho janna Thar achamero adbhuthavun ma valakuchu.

Prabhu ankin vagadatho, sathan burnakacha. Thodsek mand chorya vo bhalan yek ameer choran pakalden dagarge. Vu chorar doi ankin thilchattin bhandnaken motas kholama bheganake. Vor doi ankin vu keedavo khanakejethi vu andho vego. Von lathanu bhik mangesaru Dusar chachabrethi sath venchnake. Vu ameer chora vuj bhikarir nai rego. Yeej Sathan Adamena sada kido. Yohan 10:10 Vu Sathan marnakena chori karena haal Karen avacha pan Dusar kunsi vasu ayeni, pan Ma gorlina jaan malenan, vu bharpur vena aayo kan Yesu ko.

Samsonen Dev jorethi valdino. Atho vor jeevanema Sathan vyabhichara karer athmathi asa ghalan akharima vor vyarivur hathema halajaan vor doi anki parer poravun kadaler paristhima dagargo.

Vor pacha vor jeevano haalathethi bharagi. Yisraelevalen nev karevalo abba Philisthivur hathema rammer cheejer nai vego. Jethi thar jeevanema asso ankir asaathi vyabhichara karer athmathi mando vejan athmik darshanen deker gamalamath.

Yisraelevaler raj Sidkiya Dev Yehovar Yirmiar vadithi kojako agnan kankadi kidojethi Dev Yirmia 39:7 vachanema Babuloner raj yee Sidkiyar doi ankin phonaken von raagir sanklithi bhandan Babulonen palden avo kan kethanu vu banchero Dado seji vona jailema bandir nai karnako kan dekacha.

Ajji jada dhyan Karen pado  Mathai 6:22 Yirmia 52:11