Jul 17 – KANDIBI ARU HALA KORIBI

“Kandibi aru hala koribi, o Zion te thaka manu, kilekoile mahaan ase Pobitro Jon Israel laga apuni majete!”  (Isaiah 12:6)

Isor ase mahaan. Teon ase bohi kene rajyo te. Teon ase ami khan laga Baba . Itu karone, KANDIBI aru hala koribi. Boja I apuni laga peoah ke aru prashansha koeibi Isor ke Isor pora koribo mahaan kaam khan.

Mahaan ase ami khan laga Isor aru ami khan ase Teon ami khan laga Rakshak aru jaga. Raja Solomon koishe, ‘Mahaan ase ami khan laga Isor, aru dangor sob Isor khan poda. Itu karone, mondir juntu Ami khan bonai Teon karone hobo mahaan ‘. Jinika Tai koishe, inika bonaishe ekta achurit mondir Isor karone aru kandishe aru koishe; aru bajaishe tai khan laga pepah ke, mondir ke sapha kora laga din te. Tai khan gaishe prashansha ki ‘mahaan ase ami khan laga Isor aru Teon laga Daya thake hodai sin’. Aru mahima Isor laga namishe utu mondirte.

Ahibi Isor thake ami khan te ekta mahaan Jon hoi kene. Teon ase mahaan sob ami khan laga samasya khan pora. Jisu ase mahaan sob doctors khan pora junke apuni biswas kore bimar khan te. Isor jun lorai kore apuni karone ase mahaan sob biya goliath khan pora Jun ahe khilaf te apuni laga.

Sob Jun khan ase drishti ki Isor ase mahaan, tai khan  chinta nakoribo ki pahoroah bhal lage. Tai khan paar koribi lal samundar ke. Agete Tai khan laga Jordan nadi mrityu laga gurabo wapas. Bera khan bi Jericho laga bangi giribo.

Sob ji apuni koribo lage koile ase anondo koribole maujudgi ke Isor laga aru kandibo lage aru hala koribi lage. Isor koi apuni ke ‘kandi ke e hala koribi’. Ki motlob ase itu laga? Itu motlob apuni seva koribo lage Isor ke aru ga o lage jor pora Teon laga prashansha ke. Apuni jiyabo nalage ekta darpok nishina nahoilebi berabo nalage matha niche kori kene. Apuni chup thakibo nalage aru; hoilebi anondo koribo lage maujudgi te Teon laga aru gabo lage  jor pora Teon laga prashansha ke.

Ek din Isaiah dikhishe Isor ke ekta mahaan nishina. Tai laga mon anondo korishe jitya tai dikhishe Isor uncha te bohi thaka uncha rajyo te. Juntu homoi tai dikhishe Isor ke inika, tai anondo korishe tai laga mon te. Swarg ase utu rajyo; aru prithibi theng rakha jaga Isor sobse uncha laga. Dangor duth aru chutu duth bi chup thakibo paranai hoilebi tai khan gaishe Isor laga prashansha ke jor awaz pora, ‘Pobitro, pobitro, Pobitro Isor Pormeshwor duth khan laga. Pura prithibi ase bhorta Teon laga mahima logote”

Bacha khan Isor laga, Hobole  dibi rajasi jit Isor laga pabole apuni te; aru rajasi hala pabole apuni porivaar te. Barhabi homoi ke seva laga girja sevakai laga. Isor thakibo tate apuni majete , jinika mahaan Isor aru koribo mahaan kaam khan ke.

Aji dhyan koribole laga Pobitro kotha tu hoile Joel 2:21 “bhoi nokoribi, o mati, hobi Khushi aru koribi anondo, kilekoile Isor korishe achurit kaam khan ke.”