Jul 15 – LAAR JAYERO

Mark 10 :52 Jana Yesu thu jo, thar viswas thona varukidicha kan ko, achanakkethi vu varu vethanu vo Prabhur laar go. Barthimayin Yesu Thona kai chavunu kan pucho tho? manna nazar chavunu kan koju, Prabhu von nazar denakotho vu pharan gharevale kan javanaju Yesur laar go.

Yek haptha Yesu Prabhu 10 koder rogevalen varu kidotho vunden Yajaker dai javo kan kotho vundema yeklo admi athraj hoto athanu ham varu vegecha kan gavai dine. Barthimayi sada dhanyavad athraj kethanu gachab rego koni lapan vu godi vaalan Prabhun dhanyavad kethanu vor laar goju dekacha.

Thodsek varser anga yek suvarthar sabhama andho motyarena balayethey. Akharir meetingema vu andher vasu ghano araj kidojako vu Dever sevaker arajen samlan vu Prabhu vor nazarena hoto denako, vona Savvar gavai denu kan kotho, Dusar dadema vu ayojkoni. Jethi Dever sevak vu motyarer gharer kanna jaan puchotho, ayya yee theen varsethi ma dittokoni Jako cinimavun deker pacha athanu gavai duchu kan ko.

Yetha Barthimayi Hannu koni. Yesu Christhur laar aayo. Katho Yesu Prabhu kunvatho vela padan Pharasiya valethi vela bhaveti pader vacha kan malam rethapar Luka 9:57-58 vachanema chaju kai narathoi vu Yesur laaraj go kan dekeja.

Mathai 16:24 vachanema Prabhu Yesu Mar laar ayevalo vor siluva palden avanu kan kenako.

Ajji jada dhyan Karen pado Luka 9:62 Nagalipar hath melan hoto pharan jayevalo Dever rajyema hakdharya veni.