Jul 14 – ANGA CHAJENA ASA KARTHO

Philippvalun 3:13 Bhayiyo, vona angaj pakaldido kan ma keluni, pan yek karuchu, laar chajena chodan. sey bhulan, anga chajen asa kartho

Sammor badlavni vero padero navvo varser Dado yekkaj koni lapan heryek meena, heryek vaaran, heryek dadi renu. Heryek dad apaner apan Prabhur sannidhima paricho karlen sammor chaka chenika kan deklenu.

Dever vath anger seji bhul javnu kan kericha katho kai bhuljavunu? Vu apaner reesena, garabena, ajjekepar avajako asuyana chonaknu. Apaner virodhvagi karmelejako vathen reda apanen dhoka dinejena sejini apan dallema ghallen maap kareniju rematho apan Ajji athmik jeevanema vaddani.

Sodom Gomorraan chodan javajer pacha Ajji hoto dekmath kajako Dever agna. Massaj Yisraeleval Dev dinojako bachaner desh Canaanen dekanaju Aigupthema chajenaj herdelaline jethi voseji hannuj jhadge kan dekacha.

Agadiyar grandh 41:50 vachanema chaju Yosepen vayya vegijer pacha vuj haayivupar sos karanaju vu padojako sey velabhavetina vor baper gharena bhulaju Dev karnakocha kan kerocha.

Gojako dademar velan sos karathoj bhejjavatho Ajji avajako deader navvo khabarema kukan thu khushi karsakkechi? Vor saruj Geeder grandh 45:10-11 beti samal, Thar kaanden sos kar, Thar khas jannenan thar Baper gharen bhuljo, yee Raj thar Prabhu vu thar Khubsurathen asa karacha, vona navan kar.

David sada vor Beta maren vethojana vu 7 haptha ankir hassuthi araj kido Athoi vu margo, jana David Ajji vu rovanaju vutan hath dholen thelethi abhishek karlen manna khayeni ghalo kan pucho kassen katho Mar araj Dever khathar koni kan malam karlido.

Mar premer Dever beptavo thona kunas bhujavnu Ajji kunas herdemellenu? kajako malam renu. Thu Dev kidojako heryek hach panen bhulnukoniju renu kan Geeder grandh 103:2.

119:153 Dever vathen herdemellenu kan ,106:21 Thar Prabhu rakshakan bhulnukoniju renu.

Ajji jada dhyan Karen pado Geeder grandh 1:1-2 Dushmaner mathrema chaleniju, papiyur Vatema hubreniju, tatta kareval bhesa jatha bheseniju, Yehovar Dharamshasthrema anand pavatho, rathan diyye vona dhyan karevalo manikya nashibdhar.