Jul 13 – VUNCHO VOOT

Mark 10 :49 Yesu Hubaran – vona BALAVO kan KO, Vo vu andhena balan himmath lela, voot, thon balarocha kan ke.

Himmather vathe samlan vu Barthimayi suthojako sthithimathi vootan hubarnu. Vu dhudema bhikmangrojako jammiparethi vootanu. Vor andharethi vuncho votnu lagi.

Dev thar kamjoremathi , dhokden jhad karlen voot, doi hathen vuncho padan samelir nai vadanu, Thar vasu gokan chajako bahumanen Ajji jada chejevun lelenu katho thu vuncho voter seeklenu Kan kerocha.

Luka 15:18-19 vachanema chaju gamagojako beta vor mando vathemathi budhi lalen ma vootan Mar Baper dai jaan Bapu Ma paramer dwesethi thar aanga pap kidochu abbepar thar beta kan kerayena ma chajuni. Thar kulivalema yekler nai manna rakalda kan kuchu kan keldoju dekacha. Jethij vu soorir vachethi vutan dagaryayocha. Hannu thu sada thar papen malam karlen hoto vootan avatho Yesu Prabhu sada dayathi map karacha.

Aaj thu thar paper vadithi rogdokkethi vela karrochika atho premethi Prabhu Yesu vor doi hathen lambo karan Yohan 6:37 Mar Bap manna dajako sey Mar dai avacha, mar dai ayevalena ma cheti dhakluni.

Athmikvagi kamjor vegojako Eliya dakal chikaiko atho Dever soja thona himmath dethanu vootan khano ghalan Ajji jada door banchen vujji jada jeevaner daden badavacha. Theen anthasthur vuparethi padojako Yutichus kajako motyarena vuncho padan laayejana vu banchagoju dekacha.

Ephesivalun 5:14 jethi suthojako thu jaagan, marge jemathi voot, jana Christhu Thapar jhankiyekan kemalocha.

Solomoner geed 2:10-11,13 yej vachanevuma Dev thar suthojako vagathemathi vuncho voot kan kerocha.

Ajji jada dhyan Karen pado Yeshaya 60:1