Jul 13 – NAHOU PRITHIBI LAGA!

“Tai khan nahoi prithibi laga, jinika Ami nahoi prithibi laga” (John 17:16).

Isor Jisu Krista nahoi prithibi laga. Teon ase swarg laga. Teon ahishe niche prithibi te bachabole ami khan ke ami khan laga paap khan pora, kilekoile Teon morom korishe ami khan ke. Judibi jitya Teon jiyaishe prithibi te, Teon kitya bi dhyan koranai saman khan ke itu prithibi laga, aru jiyai pobitro jibon ke dagi nathaka prithibi pora. Thaki kene pura kori Teon laga daur ke jit pora, Teon jaishe swarg khan te aru bohishe dahina hath te Baba laga.

Teon ase ekta akha aminkhan sob pora ki ami khan jiyabo lage ekta jibon juntu savit kore ki ami khan nahoi itu prithibi laga. Kilekoile ami khan laga nagarikta nai itu prithibi te, hoilebi ase swarg te  (Philippians 3:20).  Ami khan thakibo lage itu prithibi te ekta pratinidhi hoi kene swarg rajyo laga.

Satan, itu prithibi ke cholai thaka, ase ekta dushman Isor laga. Tai ase ekta misolia aru Baba bisa laga. Tai ahe chori koribole, morabole aru khotom joribole. Hobole nadibi tai laga iku dosti, tai laga lobh aru icha khan ke ahibole iku pora bi usor apuni laga. Ami khan thakibo nalage iku dosti itu prithibi logote Jun khan uksaishe manu khan ke suli te charabole Isor Jisu krista ke.

Itu prithibi ke cholai thaka pora dikhabo ami khan ke mahima itu prithibi laga. Tai pora lobh dikhabo apuni ke nimantran si kene juwa khulibole, mudu khabole aru anondo kori ole itu prithibi laga icha khan pora. Hoile I tai laga rasta ase rasta narak laga aru hodai din laga atyachar laga. Isor Jisu bachaishe Nijor ke aru dava korishe ki prithibi na ahibo Teon te. Itu karone hekh te Teon laga prithibi laga jibon te, Teon jitbpora ghoshna kore, “kintu Raja itu prithibi laga ase ahibkene, aru tai nai iku bi Ami te”  (John 14:30).

Ki salha ase manu khan itu prithibi laga? Tai khan koi apuni ke milibole sob logote. Hobole bhal sob logote. Tai khan koi loi jabole apuni laga jibon ke ekta samjhota pora. Hoile I Judi ami khan kaam kore manu khan logote dusra biswas laga ami khan laga kaam jaga te, ami khan hoi alag tai khan pora. Aru ami khan kitya bi samjhota nakoribo lage nahoilebi tai khan nishina hobo nalage

Jisu aghe pora koishe ki ami khan kamabo dushmni ke kunuba manu laga, jitya ami khan loi jai ekta alag jibon(John 17:14). Ami khan Khushi koribo nalage manu khan itu prithibi laga aru cholai thaka ke itu prithibi laga, hoilebi  Khushi koribo Isor ke aru jun thake Khushi pora ami khan te. Itu ekla pora dibo hodai din laga Shanti; anibo swargya anondo ami khan te.

Chela Peter koi, “kintu itu karone apuni ke matishe, kilekoile Krista bi bhugisge ami khan karone, charishe ami khan ke ekta uddharan, juntu apuni piche koribo lage ki Teon laga kadam khan ke” (1 Peter 2:21). Bacha khan Isor laga, nahobi sorom bhugibole Isor Jisu Krista karone; jinika ki karone ami khan ke matishe koribole.

Aji dhyan koribole laga Pobitro kotha tu hoile Matthew 5:11 “ahirvaad ase apuni ke jitya tai khan gali kore aru atyachar kore apuni ke, aru koi sob biya khan ke khilaf te apuni laga misa pora ami karone”.