Jul 13 – Butente Rumangdate!

“Antadnang abubmung Kitungan a Janggardan ranaptin batte mangba-nam yertai do aman janang tungmadgijberan oblengte. Aman bo bzgardamarge banandan detam” (1 Samuel 10:6).

Papwr anosaij-lingan, anlen kznoltabe Sol abmele itente abs’idle ahangben asan a u’an amang saring. Bindo Kitungan abumungdage Israel a rajan abmele.

Sol do a boantan Samuel a gardaban yirleji, itente aninji abs’idleji ahangben abmele. Bibolan gamte: “Seletten Samuel darakkume lingan miholan pangan pangle Sol a b’ob lingan rubma-an rubmale anin a d’ong kurkurtamle gameten, GAMANGtungan Anin Anin a danenera lanangka d’ong-nam abhanagod mar a deben asan attabngijamten po?” (1 Samuel 10:1).

Yan a rumangdage kan ate! Sol adyirad janababan ahangben orde ranaptin orde janggardadage a baran batte. Kuddub anin ogandile pekudan abmele. Bindo Kitungan a mandrengna bandale barijloge. Miholan batte jabable abablingan, do Kitungan a janggardan labsolai alangka-lingan. Kun ajanababan batte tumadgij-baraban tangorle a d’ongan. Kun a dinna saring tumadgijberan oblingle do anin banandan dele.

Nami janang Kitungan d’ongbaben abumungdage baran alumben itsumte. Amben agijte rumang baranji mandrengna-ling-ben. “Anogandi-Henji anogandinam ted, orde tangornam tangor-Hen,” gamle Gamangtungan. “Engale Ruangan ordaran saring sagaidam, Tangor-Hen janang sagaidam tangor-nam saring, do Anogandi-Hen saring anogandi-nam”. Anin ranaptidam absittaben do abdainaben d’ongben, itente oganditabe orde gartabe kun saring awrloge tiyte. Do ajardina Anin d’ong-ben abdainate.

Kitungan anabsittan batte amben bo bigarda-mar detaben, do amben banandan ahangte engale Eliya, Elisaya, Pitor, Jon orde Pol Kitungan amang saring. Amben ranaptidam handramanji nami amndranji Kitungan Jisun amangba anurangan abmele, Kitungan d’ongben asedalen asan, kan ordar-saring.

Tanahimdam Kitungan a onagji, bibolan gamte: “Bindo Marid Janggardan mang- ling-ben yeraian a tiki amben ranaptin hangan hangle Jirusalem lingan, barij Juda desan,Sama1-iya desa lingan do ordaran a tannodban sikkoija sakki mar-Henji a dete” (Anappai 1:8). Angate amben ahangte janababan, amben barij ranaptin ahangte ruangan saring. Kuddub banandan deandele amben bo barij bangsa maran adete. Yan a surda anasittan kun ate!

Okiy Kinolbe absele: “Bindo nami, nami, e GAMANGtung, Aman U’a-len, anlen labo maih do Aman kumbij mar-len; anlen, kuddub-len s’i-Nam a lanuman.” (Jisaiya 64:8).