Jul 12 – Tai jun hi Dharmik ase!

1 Corinthians 2:15 “tai jun hi dharmik nyayadeesh ase sob saman khan laga, hoilebi tai nijor hi thik nyay nakore kun bi.”

pobitro kotha pora alag kokre Isor laga bacha khan ke duita alag kisim te: jun khan dharmik ase aru jun khan gau pora hi ase. Jun khan atma por ase, tai khan ke atma pora hi cholai aru tai khan uthi jai dharmik laga rasta te. Hoilebi jun khan gau por ase kuchis kore loi jabole tai khan laga jibon ke tai khan laga icha aru lobh khan laga hisab te aru pai nakami.

Pobitro kotha te koi ke kun khan dharmik ase tai khan nyaya kore sob saman khan te nahoile bi sob saman khan alag alag  hisab te. Tai kitya bi jodlh bazi te nathakibo nahoilebi joldi pora faisla nalobo. Tai sob saman khan te prathana koribo, Isor laga maujudgi te aru mangibo Isor laga salha ke judi itu Isor ke khushi  kore na nai koi kene, judi bi itu  Isor laga icha te ase, aru judi itu ke Isor pora mane na nai tai laga faisla ke. Tini hoile hi, tai itu te faisla kore.

Jitya apuni peter laga jibon ke sabo, tai thakishe nijor lag jibon te prithibi laga icha hisab te. Hoilebi apuni khan laga bura homoi te, tai nijor ke dishe cholabole atma pora. Isor pora koishe: “hosa pora bi Ami apuni ke koi ase, jitya apuni chutu thake, apun nijor laga hisab te thake jinika apuni khushi pai; hoilebi jitya apuni bura hoi, apuni nijor laga hath ke khuli kene diye, aru alag pora apuni ke buki kene loi jabo jote apuni ichanakokre.” John 21:18

Ki apuni bi dibo nijor ke diye pura atma pora choli kene loi jabole? Janibi nyaya koribole aru sabi sob ke barabar. Jitya abi apuni faisla loi, piche ghuri kene sabi Isor laga kotha hisab te. Bohibi Iso rlaga maujudgi hisab te aru hudibi, judi apuni laga faisla pora anibo khusi isor ke aru pabo hoi apuni laga mon te.

Sabi anubhav raja David laga. Tai pura nijor ke dishe aru saishe Isor laga maujudgi te. Tai prathana korishe itu koi kene: “bisaribi ami ke, Oh isor,a ru janibi ami laga monke; kuchis koribi ami ke aru janibi ami laga chhinta khan ke; aru sabi judi ami logote iku bi bia rasta ase nanai; aru loi jabi ami ke hodai din laga  rasta te.”(Psalm 139:23-24)

Isor laga bacha khan, hobi bhabna thaka aru chaukanna apuni laga bhabna khan te, kotha aru kaam khan te. Apuni khan hoshiyaar thakibole lage jitya apuni prachar kore aru bhabna kore Isor laga kotha uporte. Jitya prithibi pora apuni ke sai, sabole nadibi tai khan ke apuni ke ekta gau pora chola nishina, hoilebi jun hi atma pora chole. Nijor ke iku misa mishi laga hissa hobole nadibi. Hodai din hi thik bhabna aru chaukanna thakibi aru jiti thakibi apuni laga sob kaam khan te.

Aji bhabnakoribole laga pobitro kotha tu hoile Luke 20:21 titya tai khan hudishe taike, itu koi kene, “shikshak, ami khan jane ki apuni shikhai thik pora, apuni nadikha niji pakshpath , hoilebi shikhai rasta Isor laga hosate.”