Jul 11 – ATMA AMI KHAN TE!

Ami dhalibo Ami laga Atma apuni te aru hobole dibi apuni ke berabole Ami laga niom te, aru apuni rakhibo Ami laga faisla khan ke aru koribo itu khan ke” (Ezekiel 36:27).

Krista thake ami khan te jinika akha aru mahim. Pobitro Atma bi thake ami khan te. Itu iman achurit ase janibole ki pura niom laga homoi te, Isor pratigya dishe ami khan ke dibole Teon laga atma ke thakibole ami khan te.

Jisu Krista ahishe itu pribi te dibole ki Baba pora pratigya dishe. Hoi, Baba poila pratigya dishe ami khan ke masiha, jisu Krista laga. Aru Teon pratigya dishe ami khan ke pobitro Atma laga jisu Krista dwara.

Toh jitya Jisu Krista ahishe prithibi te, Teon koishe, ami pothai pratigya ke ami Baba laga apuni te; hoilebi lagi thakibi nagar te Jerusalem laga jitya tok apuni bhorta nahoi shakti logote upor pora” (Luke 24:49).

Chela khan biswas korishe Isor laga pratigya ke aru rukhi thakishe aru prathana kori thakishe upor laga kamra te Jerusalem laga. Aru Pobitro Atma ahishe aru girishe sob uporte; aru thaki jaishe tai khan te.

Kiman hosa ase hobdo khan ami khan Isor Jisu Krista laga, Jun koishe, “Atma hosa laga, Jun ke prithibi pora pabole napare kilekoile itu nadikhe Teon ke na jane Teon ke; hoilebi apuni Jane Teon ke, kintu Teon thake apuni logote aru thakibo apuni te” (John 14:17).

Jitya ami khan pai Pobitro Atma ke, ami khan mehsus kore thaka ke Pobitro Atma laga. Kilekoile Teon ase ami khan te, Teon shikhai ami khan ke aru dikhai paap khan ke, dharmikta ke aru faisla ke. Jitya atma Ane puhor chutu paap khan te, ami khan laga bichar bone Bishi thik. Itu pora bikhai diye ami khan laga mon ke aru janai ami khan laga mon ke dukh pai thaka Pobitro Atma pora, judibi ami khan diye olop jaga paap karone ami khan mon te.

Isor laga atma thaka logote, ami khan pai gehra dikhai diya ke jitya ami khan porhe hobdo ke isor laga. Ami khan prathana kore atma logote biniti laga. Teon laga shakti ke mehsus koribo pare jitya prachar kore. Teon jun ase ami khan te ase mahaan; aru Teon poriborton kore ami khan laga gau ke mondite Teon mahima laga.

Pobitro kotha te koi, “ki apuni najane ki apuni laga gau ase mondir Pobitro Atma laga Jun ase apuni te, Jun apuni paishe Isor pora, aru apuni nahoi nijor pora?” (1 Corinthians 6:19).  “ki apuni najane ki apuni ase mondir Isor laga aru ki atma Isor laga thake apuni te?” (1 Corinthians 3:16).

Bacha khan Isor laga, Isor Jisu thake apuni te; Pobitro Atma thake apuni te. Toh, apuni dui guna ashirbad aae.

Aji dhyan koribole laga Pobitro kotha tu hoile 1 John 2:27 “hoilebi abhishekh juntu apuni paishe Teon pora thake apuni te, aru apuni ke dorkar nai ki kun bi shikhabole apuni ke ; hoilebi itu iki abhishekh shikhai apuninke dorkar te sob saman khan laga”