Jul 11 – APANEMA ATHMA

Ezekiel 36:27 Mar Athmana tharema rakadanthu Mar vidhulema chalaju karuchu, vujji thu Mar neven herdemellen vunder naichalechi.

Mahimar bharoser nai Christhu apanemavasarocha. Pavithar Athma sada apanema vasarocha. Achanakker khabar kaikathoJuno Kararemar dadema saha yee Pavithar Athma thamarema vassacha kan bachandemelocha.

Yesu Christhu Baper bachanevun apanen malamkaresaru ayocha. Bap Messiah vor Beta Yesu Christhur vadithi vu agediyabachanen puro karnakocha. Vuj Prabhu Yesu Christhur vadithi Pavithar Athmaavacha kan bachan demelocha.

Luka 24:49 Mar Bap bachan dinojena yidekMa thamar vas melochu, pan tham paramethi avajako jorena palajethanu Yerushalemsherema rokan ko.

Yohan 14 :17 Jagathi vu sather Athmanadekeniju valakeniju chajethi vona paler veni, vu thamar sath vasan, thamar mayiracha jethi, tham vona malam karliyo.

Pavithar Athmathi apan bharan rematho vuapanema vasarocha kan herdemellenu. Vuj Pavithar Athma paper bagey, niyatherbagey, vujji never bagey Ajji apan kai karnu kai na karnu kajako sunnithamerdallen sada malam karacha. Papen vu Pavithar Athma vajalema lavajana apanermanashakshi Apanen hecharika karu karacha. Kanna Pavithar Athma apanema vasukarachko janna apan papen jag der veni.

Kassen katho Yeej Athmathi apan Devervathemar darshanen dekacha. Yeej Athmathi apan vinathir nai araj karacha. YeejPavithar Athmar jorethi apan bodha karrecha. Yeej Pavithar Athmar vadithi apanbadlajathanu mahimaro jeevadathi vu hariyar bagema vassacha.

1 Corinthivalun 6:19 thamar jeevada thamDevethi len thamar mayi vasrojako Pavithar Athmar deval kanan, tham thamrvalkoni kanan malam chenika?

1 Corinthivalun 3:16 tham Dever devalchokanan, Dever Athma Thamema vasarocha kanan malam chenika?

Ajji jada dhyan Karen pado 1 Yohan 2 :27 Panvothi tham payejako abhishek Thamema ghat cha, koithoi thamena seekvadi derjaroor cheni, vu abhishek solima thamen seekvadi dacha, vu saasij pan labbarikoni.