Jul 10 – Kristu Mang-ling-len!

“Butente Anin a banaihberan mannete, anin Anin amang lingan dakuten, do Anin anin amang lingan dakuten. Bar ayengan a Janggardan a d’ong Anin tiylalen, kun batte, Anin mang-ling-len dakuten, gamle galamtabe” (1 Jon 3:24).

Angante Kitungan Jisu mandran hildamlen ordarban yiraiten, Anin bangsa anoblingan oblingle banagimaranji Anin a rznrzn darakunaba yire do Ruang rajaman abmele hanangan tiyle.

Anin bungsangban yirre do bangsa anoblingan oblingle. Anin dile gorjangban yiranyirre Kitungan a Rajaman abmele gadlamle. Atiki ruanganba dayerre, a hanangna maranji bangsa anobling oblingleji, barij tiydamna batte Do banaginji amangba oblinle. Bo dinna Kitungan a boantan, bo bigarda.

Disan lingan a baran tabkudle, ayarnaben abmele yagi endasingan hamben dakule. “Kitung, aparamangtan aendasing, hen garberben dete asumaranji abmele. Anab-bagu endasingan-lingan, Marid Janggardan abmele oblingben dete do angaante hen ontungtai!

Hen dimadnaben dete anab-yagi endasing-lingan. Anab-boi endasing-lingan, aboi talaibabojan dakule boi boi bimbim-lingan, kun tonanan amangban goble.

Kitungan a boantan Jisun abmele Kitungan absamangte, do bangsa anoblingaan abmele gadlamle. Anin garberneten, Kitungan rubmangbaran lumle do kun talaibaboijan samangle kun kanalkalan saring. Anab-bagu endasing-lingan, bo inslobojan amangba goble. Do anin itente jzjzanjzlen goble. Kun ayamlen Kitungan aboantan gijle kun ate?

Anin galamle Kitungan agaarberan amdangle. Kun inslobojan batte arberben asan susule, paruan abmele, itente Marid Janggardan gadlamte. Do asui ayamlingan, anin abtagorlen marid janggardaban (Jon 14:12).

Anab-yagi endasin-lingan, amangban butejan adakuad do bangsale dimadle iteja erdelabe. Do bangsale ardule asinban. Kitungan sanangan rite do royongan tiytaben?

Tanahimdam Kitungan a onagji, Anten asan, barij j’eben batte surpiddamnaba, Do barij ranaptin batte Kitungan aranaptin sanle. Bibolan gamte, “Bar tanandzn a dinnan apsele Kitungan ayengan a Marid Janggardan batte amben lanadladan a dele! Amen!

Okiy Kinolbe absele: “Itente a bangsa taniytiyan s’i ling nam sanurpidan dele, antate mang-ling-len a dakutenan a Marid Janggardan batte turtura” (2 Timoti 1:14).