Jul 08 – SETHI JADA

Mark 10 :48 Yesu Davider Beta manna daya dakal kan barkayo Barthimayin aayijako vela ajjeker vadithi ayejako bhavetivun dekan ghabri padan chamkan viswas chidokoni. Jethi Prabhu Yesu Mar dai avacha manna nazar denakacha kan viswas kido.

Yee viswasaj jorbharithi mundag jaan acham kalar kamena karaju kidi. Viswaser araj asmanen vagadacha. Mathai 8:10 vachanema viswas cheniju Deven khathar karero asadhya kethanu Yesu Prabhu 100 sippayir sardharema vethijako viswasen dekan Yesu yena saamalan achamo ven vor laar arejena dekan – Yisraelevalema asso viswasena Ma dittokoni kan saasij kerochu ko.

Mark 11: 22-23 Thu viswasethi yee bachan kevu karnu Yesu vunden dekan –  Devema viswasethi ro. Koithoi yee gatlan dekan – thu vukadan samudrema padjo katho padjavacha, vor dallema sandeh kareniju viswas karatho vu koju chalacha. Mark 11 :24 jethi tham araj karojana kai puchrechoko vunden palinecha kan viswas karo, jana vo thamar vacha kan Prabhu kerocha.

Viswasi araj kidejako palajethanu chodanaju araj karu karacha. Saasij araj karan Prabhun dekevalen vu Dev pasand karan bhalayi karevalo cha.

Anyayi karevalekan jaan chodanaju yek vidhava puchijethi vu von chodalenu kan nyayaa karnakoju Deven chodeniju araj karevalen vu phal devalo cha.

Barthimayi dakal Canaaner beer athanu Yesu Prabhu kan dekalijako vor viswasethi Prabhuj achamo vethanu vor betina varu karnako. Thu sada viswasethi Prabhu achamo vaju puchlastho thar jeevanema sada acham kalar Kamen palechi.

Yek dosthi vor dosthekan Ajji rathema jaan khayen puchotho vu vutan dino.

Ajji jada dhyan Karen pado  Hebrivalun 10:36 Tham Dever khatharer nai karan, bachan vojena payena khamler thamena jaroor cha.