Jul 08 – SAMMORETHI DEKEVALO

Mathai 6:26 Asmaner pankerun deko, boyeni kateni kotadima golakaran meleni, athoi vundena thamar sarger Bap vundena palarocha. Vundethi  tham sreshta cho kunika?

Samundar panithi bharan chaju malak sari hayithi bharan cha. Ajjek putan dhan kukan, latha kai perakan,  savarer dado kurachako, ajji thodesek vagath dusarethi jada apanemar dhakethij hayi avajen dekukaracha. Yesey hayithi thu chetivenu katho Yesu Prabhur dai athanu vor vathen samlastho dher. Vu Prabhu thar gunen dekevalo cha.

Apan daithi dekatho vo pankeru boyeni kateni kotadima golakaran meleni, athoi vundena thamar sarger Bap vundena palarocha. Vundethi  tham sreshta cho kunika? Jethij Prabhu Latha vas tham hayi karer kim?  Adabir phul kim vaddachakan soskaran deko, vo kashta karenin, vaneni.

Athoi vor soli mahimama rajako Solomon sada ,vundema yekkernai thoi sangarlido konikan thamena Ma kerochu.  Jesaru tham kerivasu hayi karomath kan Prabhu himmath derocha.

Apan sanchar karan srustin dekatho gatlavupar masaj thara phulevo sundarethi dekavukarach vunden kunsi hayi chaju dekani. Ajji masaj jhadevo khushithin hayicheniju cha kan malamkaracha.

Pani vunchethi padajako jalapathamevun dekatho vunder heta sundarphulevo lagukaracha vu andamen dekan apanen kassek hayi rathoi bhuljathanu Dever mahimathi bharajachi.

Yek viswasi Vuthardikkuma chajako gatlavumpar hossen dekan paricho karer valethi bhalan gotho. Votha hosser pani masaj padan vu viswasir vumpar aathanu burnaki. Jana vu viswasi hanu Deven stuthi aradhana kartho, Yee hosser gatlaparethi vuncho asman cha. Lekoghalenijathra jada tharavo asmanema jhankrecha. Vo tharavun namethi balayevalo Devaj manni malamelocha jethi vu Prabhu yee kholamath bhar kadevalo cha kan araj kido. Vor arajen samlojako Devaj vorsath amelejako  yek manikyan melan vuj jaag khodan parichokarer shuru kidotho vothaj vu viswasin valakan bhar kaadey hanu moto achamkalar kam  karan Prabhu chodanako.

Mar premer Dever beptavo aaj thu hayima ,gareebpanema,  ajji velama chikaiko? Atho thu aajaj athyunnatha simhasanamepar betojako Prabhu Yesu Christhur sam dekastho vuj thon sethi chodanaken thar dallema shanthi dacha.

Gener vath 12:25