Jul 07 – PRABHURVALO

Yeshaya 43:1 Dhaak padmath, Ma thona chodamelochu,Ma thar naamethi balayochu, Thu Maro chi.

Thu Maro chi kan Prabhu thon balarocha. Hanu thu marochikan dharthipar  hajarema manikya rethapar athra admimathi apanen balamangayero kathra moto nasheeb malich kunika. Yee balavni dallema anand lagacha.

Bibiler vachanema Dev balamelojako bhakthidarer vasu Prabhuj vunder vas hubaran nevkido ajji yudha sada kidoju dekacha. Jethij Lekolaknir grandh 12:7 vachanema Prabhu Moser bagey Kacha , Mar sevak Mosey aasokoni Mar gharesarima ghano bharvasero cha. Mosepar ghano Deven premvethi jethij Yisraeleval vor virodvagi kidejako vathen samlan khamer hathayikoni.

Vuj Prabhu thon sada aaj Thu Mar premer beta ann beti kan balarocha. Kasenkatho vu Prabhu vor anmoler loyeethi mol lidocha. Vorsaruj thu thar  dallen von dinochi jethi thu maroj kan thon kerocha.

Daveeden saha thu marvalochikan balarocha. Daveed vu gorlin chararojana von Devepar vethijako puro daller dhak ajji Prabur saru tharas vosejima vor viswasmena ditto. Jesaru Devaj Aposthaler kam 13:22 vachanema Pacha Dev Saulen dhakalden Daveeden vundervas  Rajer nai niyamkaran , Yeshayir beta Daveedena Mar dallena chajaju ditto,manna khathar chajena sey vu kariyekan vorbarema gavayi dino. Thu sada Prabhuvalo vastho vu Prabhu thar bagey sada gavai devalocha.

Yobur bagey sada Yobun thu dittokey sathan vu dharthipar chajako sethi jada bhakthidhar vu Mar mundag niyathethi banchroch kan Yobu 1:8  vachanema Devaj kacha. Ajji Solomoner geeder grandhema sada Prabhu sangha kajako navlerin Thu Marvali ,Mar premi ,Mar daller dhadakhan kan balarocha. Apanen Vu Prabhu Vor anmoler loyeethi mol lelethanu Abhishek bharan radaju karmelocha.

Ajji jada dyan karen pado Geder grandh 23:1 Prabhu mar gollavriya manna kai kamcheni.