Jul 06 – Tai jun hi khara kore Isor laga agete!

1 Kings 17:1 kilekoile Isor Jehovah Israel laga jiyai ase, jun laga agete ami khara koribo.

Iku bi dangor rasta nai ekta manu ke nijor laga parichay diya itu koi kene: ‘tai jun hi Isor laga age te khara kore’. ekta manu jun hi khara kore Isor laga agete, kitya bi bhoi nakoribo raja khan laga agete khara koribole. Ami bhabna kore inika laga ghatna te ki hoishe pare prophet Elijah laga jibon te.

Elijah hodai din joldi uthishe pare, aru reth laga jag ate jaishe pare, Isor laga usorte aru Tai ke mahima korishe. Tai nijor laga duita hath bi uthai Isor laga agete aru mahima kore itu kotha khan pora: “O Isor, ami Apuni laga agete khara kore. Apuni bohi ken ease raja laga Raja  hoi kene aru isor laga Isor hoi kene. Apuni tagot thaka ase aru nirmaan korishe swarg aru prithibi ke. Apuni laga hi shakti aru tagot ase”.

Jitya tai khara korishe Isor laga maujudgi te, taibhorta hoishe achurit shakti pora, mahima, khushi aru sob uphar Tai laga khemai laga. Itu karone tai mon te tagot thaki kene koi raja Ahab ke, tai laga rajyo te, itu koi kene: “kilekoile Isor Jehovah Isael laga jiyai ase, jun laga aget ami khara koribo, tate iku nihor nathakibo nahoilebi borokhun utu din khan te, khali ami laga kotha hi”.

Sabi itu nimantran ke Psalms likha pora diya ke: “oh ahibi, sheva koribo aru niche hobo; ahibi ghunte ahibo ami khan laga Isor laga agete ami khan laga malik” (Psalm 95:6). Itu kilekoile ami khan inika nimantran ke dhyan nadiye, ki ami khan bishi dukh thake jibon te aru harai loi ami khan laga shanty ke. Judi apuni bisare Isor ke phujir te, aru khara kore Isor laga maujudgi te tai ke mahima kori kene aru dhonyabad di kene, Tai pora puni ke uthai thakibo. Aru apuni khara koribole kitya bi zaroorat nalagibo doctor khan laga usor te nahoilebi vakil khan laga usorte. Aru ekta manu jun hi khara kore duth khan laga Isor laga agete, tai kityabi manu khan laga usor te khara koribo nalagibo.

Prophet Elisha cholai itu kotha hi nijor laga parichay dibolez. Elisha koi, “jinika duth khan laga Isor jiyai ase, kun laga age ami khara kore” (2 Kings 3:14). Sobse dangor duth  Gabriel binijor laga kotha koishe: “ami Gabriel ase, jun hi khara kore Isor laga agete” (Luke 1:19). Itu Elisha laga gaurav hi thakishe , mahima  Elijah laga aru achurit anubhav duth laga, khara koribole Isor laga agete Tai laga maujidgi te. Ki apuni bi tai khan logote kobole paribo, ki apuni Isor laga maujudgi te khara koribo pare?

Isor laga bacha khan, ki apuni bi khara kore Isor laga maujudgi te, jun apuni khan laga desh aru prithibi aru porivaar  ke punar jibon diye ? khara koribi Tai laga maujudgi te jinika Elisha, biswas thakishe, kilekoile apuni bi Elisha hiase itu laga pidhi te!

Aji bhabna koribole laga pobitro kotha tu hoile Luke 21:36 sabi itu karone, aru prathana koribi hodai hi ki apuni ke ginti koribo kimti hisab te bachibole sob samna khan juntu ahibo, aru kahra koribole manu laga Chokra agete.