Jul 03 – Tai jun hi Nomro kore!

Leviticus 26:41-42 judi tai khan laga sapha nakura monk e nomro koranai, aru tai khan nijor laga galti ke mane- titya Ami yaad kuribo Ami laga kosom Jacob logote thaka tu, aru Ami laga kosom Isaac logote thaka aru Ami laga kosom Abraham logote thaka ami yaad kuribo, Ami yaad kuribo utu mati ke”.

Isor hi ase bhandaar ashirbaad laga tai khan ke jun khan nomro kore. Isor koi ki Tai yaad kuribo utu kosom ke aru ashirbaad dibo ami khan ke, judi ami khan nomro hoi. Itu kotha ‘kosom’ laga motlob tu ami khan ke vaada diya laga. Ji kosom dile bi Isor pora ami khan laga pitri baba khan ke biswas te, Tai pora dibo sob utu khan apuni ke bi, jitya apuni nijor ke nomro kore.

Pobitro kotha te koi: “judi Ami laga manu khan jun khan ke mate Ami laga naam te koribo nomro nijor ke, aru kuribo prathana aru bisaribo ami laga chehra,a ru ghuribo biya rasta khan pora, titya ami hunibo swarg pora, aru maaf kori dibo tai khan laga paap ke aru changai kuribo tai khan laga mati ke.” (2 Chronicles 7:14).

Isor laga bacha khan, kitya bi mana nakuribi nijor ke nomro kuribole. Tai khan kitya bi ghamandh ke jaga dibole nalage ki ‘ami bachishe’ koi kene, ami ke chunishe aru ami zion laga rasta te ase aru manu ke chutu nakuribi. Ghamandh nijor laga naam te, jati nahoile girja laga dangor ase koi ke itu pora ghamandh nakuribo lage.

Sabi Daniel ke kinika tai niijor ke nomro kuri kene prathana kure. Daniel tu Isor laga manu thakishe, aru chunishe taike Pobitro Atma pora(Daniel 6:3). Tai Isor laga gawahi bi thakishe aru Isor pora morom kora laga thakishe (Daniel 9:23). Tai aha laga din khan bi dikhe aru sapna khan pai hoilebi tai ashirbaad thakishe aru sapna khan ke kobole bi para laga ase. Judi bi tai itu khan pora ahirbaad hoi kene thaki le bi iman ashirbaad pora, tai kitya bi ghamandh kora nai itu khan pora. Hoilebi, ami khan pore pobitro kotha te ki tai milishe Israel manu khan logote prathana kuribole: “map kuribi ami khan ke Isor, kilekoile ami khan paap korishe”.

Aru Nehemiah ke bi sabi tai laga nomro prathana ke. Tai chine nijor ke sob Israel manu khan ke aru prathana kure: “morom pora Apuni laga kaan dibi aru Apuni laga suku khulibi, aru Apuni hunibo prathana apuni laga naukar laga juntu ami prathana kure apuni laga agete, din aru rati te, kilekoile bacha khan Israel laga apuni laga naukar khan, aru swikaar kuribo paap khan bacha khan Israel laga jun pora paap kurishe apuni laga khilaf te. Duijon bi ami laga Baba laga ghor aru ami bi paap korishe. Ami khan bishi biya pora kaam kurishe apuni alga khilaf te”. (Nehemiah 1:6-7)

Isor laga bacha khan, sob homoi te apuni laga jibon  te, dikhabi nomrota. Napahoribi kityabi ki nomro kora hi ashirbaad laga chabi ase. Jitya apuni nior ke nomro ore aru prathana kore, Isor pora hi jawab dibo  apuni laga prathana laga hoi logote aru Amen logote.

Aji  bhabna kuribole laga pobitro kotha tu hoile 1 Chronicles 17:23: aru itya oh Isor , utu kotha juntu apuni koishe bhabna kuri kene apuni laga naukar laga tai laga ghor te, uthibole dibi itu ke hodai din karone aru koribi jinika  Apuni koishe.