Jul 03 –Gamangtungan U’a-len!

“Bindo nami, e GAMANGtung, Aman U’a-len, anlen labo maih do Aman kumbij mar-len; anlen, kuddub-len s’i-Nam a lanuman” (Jisaiya 64:8).

Lanaggad maranji abmele Kitungan asuyeman daku. Kitungan gamte Anin absittaataben do anosaiberanji ahimte.

Bogad anlendaman laggaddamlenbenden, Itente Kitungan jzbjzble jujulenji a dirnan batte, mangbaben janang lumte, angante amben alagadamten. Bibolan gaamte: “ahim-Hen batte ahiman hanglen a mandra-Henji.

Bogad aninjidaman labgaddamlen garberrenjiden, bar mukka-Hen sanilsaijlenjiden, do a ersz godanji saring daiyarre yeraienjiden, etteden Henriangan saring amdangle aninji aninji a pintun.

Tabmadtai bar aninji a desan absamangtai, Agaramgaman ‘anosaij beran’ gadlamlangten ajanzbjzban do anabturdun. Tanimyimdam Kitungan a onanji, aninjidaman kalaibilaige adeji a laggadamnaben. Aninji akinsanaben abmele darakuna adtieji enegoi agamben.

Hen na anablumaran gamle, d’ong-hen janababan dele gamle’, do bigardanji abmele. Kinsana bo bigarda baranji abmele, ampu-lingan orde ranukku lingan a kinsanaben. A d’ong gijba yangam lagaddamlen garberneten, Aboi Kitungan amandran dakule.

Do marid Janggardan batte janababan dele. Anin janang Kitungan a tanimyim-mar dele. Anin sattang ganumte do tanalmadan adgijad bindo abandaberben abmele janang anabsittan dele. Anin ateng anabsittanji batte dakuleja, anin agaja adkinsanad.

Bibol-lingan gijtabe do Anin garberlen dakuneten: “tamadlen Kitung, pintulenji abmele”. Kan ambrij. Nimiyan a lanagadan a garberan gijneten. Anindaman tiydamlen garberlen dakuneten: “Kun boanta-Nam a ganarberan amdangben asan.

Nami abasuyem gamle lud-Nam daludete m’od-Nam rzete. Hen tamba-togal boanta-Namji Israelanji apsele garbertai. Asanggem-ling-Nam hen do Israel are onanji do juju-henjia lumlaian a pintunji pengbatai. Anlen asanggem-ling-Nam boiboi dusa baran a lumlai.

Angante amben alaggaddamten ambendaman garberan batte adamnaba, Kitungan d’ongben jalangte u-u do Amen gamle (Jirimiya 49:11).

Okiy Kinolbe absele: “Anin d’ong-Hen gudingle gamte, Aman na U’a-hen do Kitung-hen do Anablu Areng-hen” (Sanenken 89:26 ).