Jul 03 – Butente Laggaddamten!

“Bindo bogad aninji d’ong-Hen asanggemle a lumlenji a dusanji do a jujunji a dusanji abpengbalenji den, do aninji a darda j’enji laggadlenji den, do aninji a pintunji a panadradan jalenji den. etteden Hen Jakub ampara, Issak ampara, do Abraam ampara analsibdai-Hen ayimtai do Hen desan ayimtai.” (Lebi 26:41-42).

Lanaggad maranji abmele Kitungan asuyeman daku. Kitungan gamte Anin absittaataben do anosaiberanji ahimte, bogad anlendaman laggaddamlenbenden. Agaramgaman ‘anosaij beran’ gadlamlangten ajanzbjzban do anabturdun. Itente Kitungan jzbjzble jujulenji a dirnan batte, mangbaben janang lumte, angante amben alagadamten.

Bibolan gaamte: “ahim-Hen batte ahiman hanglen a mandra-Henji bogad aninjidaman labgaddamlen garberrenjiden, bar mukka-Hen sanilsaijlenjiden, do a ersz godanji saring daiyarre yeraienjiden, etteden Henriangan saring amdangle aninji aninji a pintun tabmadtai bar aninji a desan absamangtai” (2 Birinda 7:14).

Tanimyimdam Kitungan a onanji, aninjidaman kalaibilaige adeji a laggadamnaben. Aninji akinsanaben abmele darakuna adtieji enegoi agamben ‘Hen na anablumaran gamle, d’ong-hen janababan dele gamle’, do bigardanji abmele. Kinsana bo bigarda baranji abmele, ampu-lingan orde ranukku lingan a kinsanaben.

Daniel a d’ong gijba yangam lagaddamlen garberneten. Daniel aboi Kitungan amandran dakule, do marid Janggardan batte janababan dele (Daniel 6:3). Anin janang Kitungan a tanimyim-mar dele (Daniel 9:23). Anin sattang ganumte do tanalmadan adgijad bindo abandaberben abmele janang anabsittan dele. Anin ateng anabsittanji batte dakuleja, anin agaja adkinsanad. Bibol-lingan gijtabe do Anin garberlen dakuneten: “tamadlen Kitung, pintulenji abmele”. Kan ambrij.

Nimiyan a lanagadan a garberan gijneten. Anindaman tiydamlen garberlen dakuneten: “Kun boanta-Nam a ganarberan amdangben asan nami abasuyem gamle lud-Nam daludete m’od-Nam rzete. Hen tamba-togal boanta-Namji Israelanji apsele garbertai. Asanggem-ling-Nam hen do Israel are onanji do juju-henjia lumlaian a pintunji pengbatai. Anlen asanggem-ling-Nam boiboi dusa baran a lumlai. Do Aman boanta-Nam Mojes a d’ong itente a do banaihberanji do anosaijanji anosai-ukkanji tiyle, kuni anlen er-manne” (Neemiya 1:6-7).

Tanahimdam Kitungan a onagji, dile kanalkal-ling-ben, surpidamlen. A karidadong bangsa bara-lingan anabsittan daku gamle. Angante amben alaggaddamten ambendaman garberan batte adamnaba, Kitungan d’ongben jalangte u-u do Amen gamle.

Okiy Kinolbe absele: “Anten GAMANGtung, Aman boanta-Nam do anin a birindan apsele itente a bernan opungle, antate tarda ayam sikkoi ja erztnage de-ete; bar engale Aman opungle, ettele na luma” (1 Birinda 17:23).