Jul 02 – TAI JUN THAKE!

Deuteronomy 33:12, Benjamin laga tai koishe: “morom khan Isor laga thakibo bachi kene Tai pora, jun panha diye pura din tok; aru tai thakibo majete Tai laga kandha laga.”

Isor icha kore apuni ke ashirbaad dibole Benjamin laga aji. Jitya moses pora ashirbaad dishe Benjamin laga jati khan ke, tai matishe tai khan ke ‘morom Isor laga’.

Tai laga jonom laga homoi  te, tai laga ama taike matishe Ben-Oni, ji laga motlob ‘chokra ami laga dukh laga’. Hoilebi tai laga baba bodli kori kene matishe taike ‘Benjamin’, ji laga motlob ‘chokra dahina hath laga’. Jacob tu 12ta chokra thakile bi, khali Benjamin hi Canaan laga matite jonom hoishe, Bethlehem usorte. Aru itu iman ahram thaishe ki Isor taike koishe “apuni ami laga morom ase aru apuni thakibo bachi kene Ami pora”.

Isor pora apuni ke Tai laga morom mate, apuni bi nijor ke inika hi kuribo lage ji pora Tai ke khushi kure. Dibi nijor ke utu khan kuribole ji pora Tai ke khushi kore. Jitya apuni sabo Isor Jisu ke, Tai koi: “aru Tai jun ami ke pothaishe Tai Ami logote ase. Baba  pora a I ke ekla charanai, kile koile Ami hodai utu kore ji Tai khushi pai.” (John 8:29). Jitya apuni laga jibon tu Isor ke khushi kore, Isor kitya bi Isor apuni ke nacharibo aru naphelabo. Tai apuni logote thakibo aru dibo apuni ke ashirbaad khan Benjamin laga. Apuni bachi kene thakibo Tai pora. Isor itu bi kosom diye ki Tai apuni ke rakhibo pura din bachai kene apuni laga himina te.

Tamil bible te koi “thakibo ahram te”, hoilebi English te koi, “thakibo Tai pora bachai kene”. Khali Isor pora hi dibole paribo ami khan ke thik bachav. Aru Isor jun  pora apuni ke kosom dishe bachabole pura din, Tai pora hosabi bachabo apuni ke pura din khan apuni laga jibon te, aru dibo ami khan ke ami khan laga zaroorat khan aru pushti kuribo atma ke.

Inika dikhe jinika itu prithibi te iku bi bachai diya laga nai, kiman durghatna aru porikha khan hii. Satan pora jukai di ase hazar ta kisim pora hosa ke najanibole aru loi jai tai khan ken arak te. Hoilebi Isor pora apuni ke hodai din hi bachai kene rakhibo. Pobitro kotha te koi: “Isor pora apuni ke bachabo sob biya khan pora; Tai bachabo apuni laga atma ke. Isor pora bachabo apuni bahar jaa te aru ghuri aha te itu homoi  te, aru hodai din karone” (Psalm121:7-8). Isor laga bacha khan, jani lobi apuni laga mon te khali Isor ke hi khushi kuribole. Hobi ekta prerna diya laga manu khan ke poribole pobitro kotha, prathana te aru apuni laga jibon te, aru Isor ke khushi kora laga hobi. Titya apuni bi ashirbad hobo Isor pora.

Aji bhabna kuribole laaga pobitro kotha tu hoile Psalm 143:10 “shikhabi ami ke apuni laga Icha kuribole laga, kile apuni ami laga Isor ase; apuni laga atma bhal ase. Loi jabi ami ke mati te thik thaka laga.