Jul 01 – Tai Jun Dikhe!

Psalm 17:15 “ami karone, ami sabo Apuni laga chehra hosa thaka te”.

Yate ami khan dikhe David pora alag kora nijor ke manu khan pora aru koi tai laga tagot biswas te tai laga biswas laga kotha pora. Itu tai laga dava ase ki tai dikhibo Isor laga chehra ke sachai te aru santusht hobo Isor nishina.

Evangelist D L Moody laga din khan te, ekta maiki thakishe Fanny Crosby naam koi kene, jun hi bishi bhal thakishe Gospel laga gana khan likhibole, utu te dhun lagai kene gana kuri thakie. Tai bonaishe 9000 pora bi upor gana khan. Aru ki khas thakishe itu ke pura kuribo para tu koile tai suku pora andha thakishe.  Iman dangor apang thakile bi, tai kitya bi mon dukh huanai. Aru tai than loishe ki anibole bishi atma khan jiman pare tai laga gana pora. Tai hodai din hi itu koi thake ki: “ami laga suku khulibo jitya ami jabo swarg te, aru sobse poila manu kun thakibo koile ami laga suku pora sabole tu hoile ami laga Isor ase. Titya tok, ami anondo te thakibo dhyan kuri kene dangor sundor Isor laga chehra laga, ami laga bhabna laga suku  pora.

Ekbaar D L Moody pora tai ke matishe gana kuribole dangor convention te, tai gaishe itu gana. Ekdin chandi laga taar bhangi jabo, aru ami itya nishina gana nagabo; Hoilebi oh anondo jitya ami uthibo Raja laga maujudgi! Aru ami sabo Taike chehra pora chehra, aru kobo kissa, bachai diya morom pora. Aru tai gaishe utu gana, sob aha manu khan bi bhorta hoishe Isor lagaa achurit morom pora aru kandibole shuru kurishe,

Itu hi manibole lage Isor laga bacha khan ki tai khan Isor ke dikhi pabo, tai khan bodli hobo Tai laga roop te aru tai khan shantusht hobo Tai nishina. Kiman bi bhal aru dangor mauka hobo utu Isor ke sabole paa tu, jun hi mahima janak ase, swarg te jitya ami khan prithibi laga jibon te khotom hobo. Pobitro Kotha te koi ase: “apuni laga suku pora dikhibo Raja ke Tai laga sundorta te; tai khan dikhibo utu mati juntu bishi dur ase” (Isaiah 33:17).

Chela Paul bishi utsuk thakishe utu din ke pabole nimite.t tai koi: “itya ami khan sai aina te dhundla pora, puhor nathaki kene, hoilebi chehra pora chehra te. Itya ami jane bhag te, hoilebi titya ami janibo jinika ami bi jane.” (1Corinthians 13:12) Isor laga bacha khan, ki apuni bi inika hi utsukta ase aru jani ase utu achurit  anubhav ke sabole Isor ke hosa pora? Apuni bi utu  din ke rukhe?

Aji bhabna kuribole laga Pobitro Kotha tuh hoile: “morom thaka khan, itya ami khan sob Isor laga bacha khan ase; aru itu itya bi janai diyanai ki hobo ami khan, hoilebi ami khan janibo jitya Tai ke janibo, ami khan Tai nishina hobo, ki ami khan dikhibo Taike jinika Tai ase” (1 John 3:2)