Jul 01 – JABI TEON LAGA TAGOT TE!

“Jabi itu tagot te apuni laga, aru apuni bachabo israel ke hath pora Midianites laga. Ki ami potha ai apuni ke? (Judges 6:14)

Tagot Isor Israel laga, Isor duth laga, dishe apuni ke ekta tagot pratigya itu mohina nimite, “Jabi itu tagot te apuni laga”. Jabi aghe naam te Isor laga. Isor ase apuni logote. Teon laga majudgi aru shakti  jabo apuni logote. Itu karone jabi aghe apuni laga tagot aru biswas logote.

Bishi manu khan ase bhgoria aji. Ekbaar Gideon bohibthakishe bhagoria te, kilekoile tai khan laga dushman Midianites khan, Raj kori thakishe uporte Tai khan laga. Tai khan kori jabo bhoi ke dushman pora. Tai bhabna kori thakishe Nijor aru koishe, “judi Isor ase ami khan logote, kile tini hoile itu hoishe ami khan logote? Aru jote ase sob Teon laga chamatkar khan juntu Ami khan laga Baba koishe ami khan ke?” (Judges 6:13)

Ami khan bi jai bhagoria hoi kene aru samasya ami khan jibon te. Ami khan thakibo dukh itu prithibi te. Hoilebi Isor nadhale ami khan ke sukh te hodai din. Olop homoi nimite, Teon ulabo pare charibole ami khan ke; hoilebi dangor Daya Teon jama koribo ami khan te Hodai din. Teon tagot koribo Gideon ke Jun thakishe bhoi aru mate Tai ke “mahaan manu”. Isor koishe Gideon ke, Jun ke komi ase tagot aru shakti koribole “jabi itu tagot te apuni laga”.

Ekta Satan laga dangor chalak ase bandhibole manu khan ke  atma logote bhoi laga. Teon bonai manu ke Isor laga kaam nokora rakhibkene tai khan ke bhandhi te bhoi laga poristhiti laga; bhoi samasya laga; aru bhoi aha din laga. Pobitro kotha te koi “kintu Isor pora diyanai ami khan ke atma bhoi laga, hoilebi shakti aru morom aru bhal mon laga” (2 Timothy 1:7).

Nohobi nirakha apuninlaga komjuri pora. Nathakibi apuni laga napungcha logote aru nadibi nijor ke napara te rakhibile. Sabi Isor ke. Teon ase shaktishali; Teon morom kore apuni ke aru diye apuni ke Teon laga tagot. “apuni pai shakti ke jitya Pobitro Atma ahe uporte apuni laga” (Acts 1:8)

Chela Paul thakishe Bishi komjuri. Teon te atyachar korishe ekta kaata pora gau te, jinika duth Satan laga. Sau ta biya atma khan lorai kori thakishe khilaf te tai laga bhagoria koribole Tai ke. Hoile I tai laga gawahi majete itu sob dukh khan laga thakishe, “ami koribo pare sob Krista dwara Jun tagot kore ami ke” (Philippians 4:13).

Bacha khan Isor laga, thakibi koi kene itu podh khan ke. Jutya apuni kore itu ke, hobdo Isor laga, juntu ase atma aru jibon, pora hosabi tagot koribo apuni laga atma ke, mon ke aru gau ke.

*Aji dhyan koribole laga Pobitro kotha tu hoile(Revelation 3:8)  “Sabi, ami rakhishe agete apuni laga ekta khula dorja, aru kun bi koribo napare itu ke bondh; kilekoile apuni ase olop tagot, rakhishe Ami laga hobdo, aru mana koranai Ami laga naam ke” *